E mërkurë, 8 Dhjetor, 2021
1.5 C
Tirana

Sondazhi/ Shpresa e vrarë po sjell boshatisjen e Shqipërisë

Viti 1991 mbahet mend për eksodin e madh të shqiptarëve, të cilët “u ngarkuan” mbi një anije mallrash drejt Italisë.

Sigurisht, shkaqet kryesore të braktisjes së atdheut nga ana e shqiptarëve janë lidhur drejtpërdrejt me kushtet ekonomike dhe dëshirën e madhe për një jetë më të mirë, sidomos për fëmijët e tyre.

Por, politika e keqe në këto 28 vite ka bërë që largimi i shqiptarëve të vijojë edhe sot. Problemet ekonomike kanë çuar në vendim ekstrem të shumë familjeve: duke braktisur gjithçka që kanë, shtëpi, tokë apo të mira materiale dhe duke u larguar drejt një jete të re, për t’ia nisur nga zeroja.

Raste të tilla nuk janë pak, por me qindra mijëra. Ky fenomen është theksuar sidomos në tre vitet e fundit, ku shumë familje zgjodhën të emigrojnë si azilkërkuese.

Sipas të dhënave të publikuara nga EUROSTAT, plot 167 mijë shqiptarë kanë aplikuar për azil në vendet anëtare të Bashkimit Evropian, në periudhën 2011-2017, duke përbërë 53% të të larguarve, ndërsa në total nga vendi kanë ikur gjatë së njëjtës periudhë 317 mijë persona.

Një shifër relativisht e lartë, krahasuar me popullsinë në Shqipëri.

Por, cili ka qenë destinacioni i preferuar i shqiptarëve?

Pjesa më e madhe e kërkesave për azil janë përqendruar në Gjermani, ku sipas Eurostat ka pasur plot 90,335 kërkesa nga shqiptarët, ose 54% e kërkesave totale.

Përveç individëve që kanë aplikuar për azil është rritur edhe numri i të larguarve me kontrata pune drejt Gjermanisë, ku kryesisht janë larguar mjekë dhe infermierë, edhe për shkakun se ky shtet ka mungesa për profesionistë të tillë.

Por, një motiv akoma më i rëndë se ai ekonomik që po shtyn shqiptarët në largime masive, është shpresa e vrarë.

Përgjithësisht, të rinjtë janë pesimistë lidhur me të ardhmen e tyre në Shqipëri dhe kryesisht shprehen se nëse do kishin mundësi, do të largoheshin nga vendi i tyre.

Bazuar edhe në statistikat e INSTAT, Shqipëria po shkon drejt plakjes, teksa çiftet e reja po martohen në moshë më të madhe dhe po lindin shumë më pak. Konkretisht, mosha mesatare në lindje në Shqipëri ka shfaqur një rritje konstante lineare me rreth 0,27 çdo vit, përgjatë periudhës nga viti 2014 deri në vitin 2018.

Si pasojë, edhe qeveria u “detyrua” të ndërmerrte një nismë për bonusin e bebeve, që u zbatua nga 1 janari i 2019-ës. Kjo nismë konsiston në dhënien e një bonusi prej 400 mijë lekë të vjetra për çdo të lindur. Por, nëse i linduri është fëmijë i dytë në familje, bonusi rritet në 800 mijë lekë të vjetra, ndërsa, nëse është fëmijë i tretë, atëherë bonusi i lindjes është 1 milion e 200 mijë lekë.

Edhe kriza politike është një faktor i rëndësishëm që ndikon në vendimin e qytetarëve për të braktisur vendin për shkak të humbjes së shpresës se një palë politike mund të qeverisë me ndershmëri dhe do të sjellë ndryshim apo integrim në BE.

Tre forcat kryesore politike në vend janë deri diku të konsumuara, ndërsa Evropa dhe jo vetëm është tashmë toka e ëndërruar që në një formë a në një tjetër po bëhet realitet për mijëra familje shqiptare.

Sondazhi: Shumica e shqiptarëve do të preferonin të rrisnin dhe edukonin fëmijë jashtë vendit

Një tregues për vrasjen e shpresës së shqiptarëve që sjell largimin dhe braktisjen e atdheut është edhe një sondazh 1-ditor i kryer në faqen e Tirana Today.

Pyetjes “Nëse do kishit mundësi, ku do të zgjidhnit t’i rrisnit dhe edukonit fëmijët tuaj?”, votuesit e sondazhit tonë iu përgjigjën në këtë mënyrë:

22% – Në Shqipëri

78% – Jashtë vendit

Konkretisht, nga 833 vota në total, 183 vota kanë shkuar për opsionin “Në Shqipëri” dhe 650 vota kanë shkuar për opsionin “Jashtë vendit”./ TIRANA TODAY

- Reklama -

Më shumë nga kategoria




Të fundit

“Njeriu njihet kur ceket interesi personal”, Basha flet për Berishën

“E vërteta është që kam patur një bashkëpunim shumë të ngushtë. Ne kemi patur një marrëdhënie shumë të ngushtë me njëri-tjetrin gjatë kohës që...

Clinton nderon kryeministrin Rama me çmimin “Vital Voices Global”

Kryeministri Edi Rama u nderua gjatë vizitës së tij në Nju Jork, me çmimin e “Inovatorit të nderuar global” nga organizata e themeluar nga...

Ukraina fuçi baruti

Perëndimi i forcon krahët Ukrainës. Për shkak të rritjes së tensioneve ushtarake me Rusinë, SHBA, Franca, Britania e Madhe, Italia dhe Gjermania kanë mbështetur...

Gjici shfrenon fantazinë: As Gjermania s’i ka bërë investimet që ka bërë Kukësi

Kryebashkiaku i Kukësit, Safet Gjici, ka surprizuar me deklaratën e tij publike, duke thënë se as Gjermania nuk i ka bërë investimet që ka...

Foltorja dhe Prefekti, nuk janë hallet e shqiptarëve

Nga: Artur Ajazi Në një kohë kur gjithë bota merret me problemet e pandemisë, apo rritjes së mirëqenies, zgjidhjen e krizave dhe shuarjen e vatrave...