Beteja për 25 prillin, ka bërë që palët politike të japin më të mirën e tyre gjatë kësaj periudhe. Akuza e kundër-akuza mes palëve, është kjo tabloja e përgjithshme çfarë ka ndodhur gjatë ditëve të fundit, ku edhe tensinet janë rindezur.
Por teksa jemi në prag zgjedhjesh, nuk kanë munguar edhe krijimi i partive të reja, si për ti dhënë një ‘shuplakë’ të fortë liderve të politikës shqiptare. Në këtë betejë plot tension, sharje e përplasjesh, shumëkush ka pëlqime e njëkohësisht kritika ndaj qeverisë Rama.
Për syrin e dikujt, një ministër ka bërë një punë të shkëlqyer, e për disa të tjerë, disa ministra kanë rënë në gjumë. Ndërsa pritet një urdhër nga Rama, që ata të rikthehen fort në postin e tyre.
Redaksia e “Tirana Today”, ka bërë një sondazh lidhur me ministrat e preferuar në qeverinë e Ramës. Duke matur pëlqimin e konvertuar në votë, Ministrja e Infrastrukturës dhe Energjitikës, Belinda Balluku, ka kryesuar me 40.06 për qind të votuesve.
Pas saj vjen Ministri i Turizmit, Blendi Klosi dhe në vend të tretë Eduard Shalsi, Ministër Shteti për Mbrojtjen e Sipërmarrjes.
Në një kohë kur i gjithë globi është përfshirë nga pandemia, dhe vemendja është nga Ministrja e Shëndetësisë, Ogerta Manastirliu, qytetarët e kanë vlerësuar shumë pak, me 2.87 për qind, duke e renditur në vendin e shtatë.
Po kështu një peshë të madhe gjatë kësaj periudhe ka patur edhe Arben Ahmetaj, Ministër i Shtetit për Rindërtimin, i cili është një vend para Manastirliut, me 3.18 për qind të votave.
Tërmeti shkatërrimtar i vitit që lamë pas, solli shumë humbje jete, të lënduar por edhe qindra familje të qiell të hapur. Ministri është parë shpesh në daljet për mediat, së bashku me kryeministrin Rama, ku ka asistuar për rindërtimin e banesave.
E ndërsa në fund të listës qëndron Elisa Spiropali, e cila duket se e ka humbur mbështëtjen e shqiptarëve, duke i dhënë pak vota, fare të pallogaritshme në krahasim me kolegët e saj.
