“Sofa Gate”, pasojë e përplasjeve për pushtet brenda BE-së

Nga Yahya Bostan “Daily Sabah”

Unë nuk kam qenë kurrë i interesuar për thashethemet mbi të famshmit. Disa mund të mendojnë se kjo është e mërzitshme. Por mua më intereson më shumë ajo që mendojnë dhe thonë politikanët, sesa çfarë hanë, pinë apo veshin ata.

Lajmi që presidentes së Komisionit Evropian, Ursula Von der Lejen, nuk iu ofrua një karrige në takimin e saj me presidentin e Këshillit Evropian Sharl Mishel dhe presidentin turk  Rexhep Tajip Erdogan në Ankara, nuk do të më kishte tërhequr aspak vëmendjen, nëse kjo“çështje” nuk do të kishte evoluar në diçka tjetër.

Megjithatë, ajo që ndodhi atë ditë është bërë kaq shumë e politizuar dhe me ndikim, sa qëtani është në zonën time të interesit. Më poshtë,përmbledhtazi po e njoh me faktet këdo që mund të mos ta ketë ndjekur të ashtuquajturën “Sofa Gate” (Skandali i Divanit).

Presidenti Erdogan priti në zyrën e tij në Ankara 2 udhëheqës të Bashkimit Evropian. Ky takim ishte shumë domethënës, për shkak se u zhvillua menjëherë pas një takimi të liderëve evropianë në Bruksel, të cilët morën disa vendime të caktuara në lidhje me Turqinë. Ekzistonte një listë e gjatë çështjesh, prandaj duhej diskutuar.

Përpara takimit mes tyre, Erdogan së bashku me Mishel dhe zonjën Von der Lejen hynë në sallën e pritjes. Si zakonisht, gazetarëve iu lejua të filmonin për disa sekonda. Duke gjykuar nga pamjet, Erdogan hyn brenda së bashku me dy të ftuarit, para se të dy burrat të drejtohen nga 2 karriget. Presidentja e Komisionit Evropian, në dukje e befasuar që asaj nuk i ishte caktuar një karrige, ndalet paksa përpara se të ulet në divanin aty pranë, përballë ministrit të jashtëm turk.

 

Akuzat e medias

 

Ato pamje u bënë virale në internet, pasi media evropiane akuzoi menjëherë Turqinë për mizogjini, dhe për “dështimin për t’i gjetur një karrige politikanes grua”. Turqia u kritikua ashpër gjatë 2 ditëve në vijim. Kur pyeta një zyrtar të qeverisë se përse Turqia nuk dha një sqarim zyrtar, ai më tha se po prisnin që këtë ta bënte Mishel.

Në fund, ndoshta sepse Turqisë i sosi durimi më këto sulme, Ministri i Jashtëm Mevlut Çavushoglu doli para kamerave dhe bëri një deklaratë publike:“Nuk doja të flisja për këtë gjë, por jam i detyruar. Protokolli që u ndoq gjatë vizitës së udhëheqësve të BE-së, ishte plotësisht në përputhje me kërkesat e Bashkimit Evropian”. Pra me fjalë të tjera, rregullimi i mënyrës së uljes së protagonistëve në atë takim ishte bërë në Bruksel dhe jo në Ankara.

Lexo edhe :   BE: Miliarda për të dalë nga kriza e koronës

 

Incidenti qartë

 

Ajo që ndodhi një natë para takimit të presidentit turk me udhëheqësit e Bashkimit Evropian, nuk është më një sekret:Zyrtarët e protokollit nga pala turke e hartuan formën e uljes së bashku me ekipin e zoti Sharl Mishel, që këmbënguli që zonja Von der Lejen të ulej në

divan.

Turqit pranuan, duke shprehur rezervat e tyre, për shkak të mungesës së ndonjë përfaqësuesi nga Komisioni Evropian. Kur e kuptoi që Von der Lejen ishte e pakënaqur me atë

situatë, pala turke këmbënguli që të tre udhëheqësit të uleshin si të barabartë gjatë drekës së përbashkët.

Mesa duket stafi i Mishel kundërshtoi, duke kërkuar që shefi i tyre të ulej përballë presidentit turk. Turqit e pranuan sërish kërkesën e tyre me kushtin që edhe zonja Von der Lejen, të ulej gjithashtu në një karrige me një lartësi të njëjtë.

Edhe presidentja e Komisionit Evropian, ishte ndoshta në dijeni të burimit të problemit, pasi thuhet se pas drekës të dy ekipeve Mishel dhe Von der Lejen patën një diskutim të ashpër mes tyre. Megjithëse u la në hije nga debati mbi mënyrën e uljes së 2 liderëve të BE-së, ai takim ishte shumë i rëndësishëm për Turqinë dhe Bashkimin Evropian.

Sipas burimeve, palët folën për emigracionin e paligjshëm, për rritjen e kontakteve BE-Turqi, përditësimin e unionit doganor me tyre, dhe për përfshirjen në dialog të nivelit të lartë. Që të dyja palët shprehën gjithashtu pikëpamjet e tyre mbi vendimet e marra në samitin e udhëheqësve të BE-së muajin e kaluar.

Duke deklaruar se Turqia synon të bëhet një anëtare e plotë e Bashkimit Evropian, Erdogan kërkoi që të ndërmerren hapa konkretë. Nga ana tjetër, udhëheqësit evropianë hezituan të marrin zotime të qarta para samitit të qershorit. Burimet e mia në Ankara, besojnë se e ardhmja e marrëdhënieve Turqi-BE do të bëhet shumë më e qartë pas samitit të udhëheqësve të BE këtë verë.

burimi: https://www.dailysabah.com/opinion/columns/what-really-is-sofa-gate

Përshtatur për Tirana Today