E hënë, 1 Mars, 2021
11 C
Tirana

Skeda/ Si ka ndryshuar pasuria e ministres së Drejtësisë, Etilda Gjonaj

Ministrja e Drejtësisë, Etilda Gjonaj deklaron pasuri familjare me vlerë 12.7 milionë lekë. Si ka ndryshuar pasuria e saj nga viti 2014 deri në fund të vitit 2018.

Etilda Gjonaj u zgjodh ministre e Drejtësisë në kabinetin e kryeministrit Edi Rama pas zgjedhjeve parlamentare të vitit 2017. Ajo u përfshi në politikë pas një karriere si aktiviste e shoqërisë civile.

Etilda Gjonaj është diplomuar në Fakultetin e Drejtësisë në vitin 2003 dhe ka kryer studimet pasuniversitare për Shkenca Penale. Ajo vazhdon studimet e Doktoraturës dhe ka kryer një sërë trajnimesh dhe specializimesh brenda dhe jashtë vendit.

Përgjatë periudhës 2003–2014, ajo ka kontribuar si drejtuese programesh në fushat e drejtësisë, reformave ligjore dhe institucionale, të zgjedhjeve dhe litigimit strategjik të çështjeve të të drejtave të njeriut në Komitetin Shqiptar të Helsinkit.

Në vitet 2014-2017, ajo ka ushtruar funksionin e Komisionerit në Institucionin e Avokatit të Popullit për një mandat 3-vjeçar, ku ka drejtuar Seksionin e Çështjeve të Administratës Publike qendrore dhe vendore.

Para emërimit si ministre e Drejtësisë, Znj. Gjonaj mbajti për disa muaj postin e zv.ministres në të njëjtin dikaster.

Ky raport është prodhuar nga BIRN pas administrimit të deklaratave të pasurisë së ministres Etilda Gjonaj nga Inspektoriati i Lartë i Deklarimit dhe Kontrollit të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasuritë e anëtarëve apo ish-anëtarëve të Këshillit të Ministrave gjatë viteve 2013-2020.

Skeda grafike e mëposhtme paraqet pasurinë e deklaruar nga ministrja e Drejtësisë, Etilda Gjonaj nga viti 2014 deri në fund të vitit 2018.

Skeda e pasurisë së deklaruar nga ministrja e Drejtësisë, Etilda Gjonaj nga viti 2014 deri në fund të vitit 2018.

Në deklaratën e parë të dorëzuar në ILDKPKI në vitin 2014, Etilda Gjonaj deklaronte pasuri familjare me vlerë 10.9 milionë lekë, ndërsa në fund të vitit 2018, pasuria familjare kap vlerën e 12.7 milionë lekëve.

Lexo edhe :   ''Si i bëtë 1 miliard lekë vetëm nga rroga?/ Rama i përgjigjet komentuesit

Znj. Gjonaj zotëron familjarisht një apartament me vlerë 7.2 milionë lekë, likujditete në bankë prej 2.5 milionë lekësh, kursime në cash prej 1.1 milionë lekësh dhe automjet me vlerë 1.8 milionë lekë.

Të ardhurat familjare për periudhën deklaruese janë 13.6 milionë lekë, nga të cilat rreth 57% burojnë nga paga për shkak të funksionit dhe 20% nga paga e bashkëshortit. Rreth 22% e të ardhurave totale kanë burime të tjera si pagesat për ekspertizë apo si lektore.

Lexo edhe :   ''Si i bëtë 1 miliard lekë vetëm nga rroga?/ Rama i përgjigjet komentuesit

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’  që identifikohen gjatë kontrollit. BIRN kreu kontrollin aritmetik/logjik për 5 vite të deklarimit, të cilat rezultuan pa probleme.

Nga analiza cilësore e deklaratave të pasurisë, BIRN identifikoi si “flamur të kuq” pikëpyetjet për një konflikt në dukje interesi të bashkëshortit të saj.

Në vitin 2016, bashkëshorti i ministres Etilda Gjonaj deklaron investim prej 1.1 milion lekësh në aksionet e kompanisë “23 Option”, ku ai zotëronte 33% të kapitalit, aksione të shitura më pas në vitin 2017.

Bashkëshorti i Znj. Gjonaj ka punuar si inspektor Kontrolli Tatimor për vitet 2014-2016 dhe për shkak të paqartësisë për muajin e largimit nga funksioni publik, zotërimi i aksioneve të biznesit në vitin 2016 ngjan si konflikt interesi në dukje. Pas largimit në vitin 2016, ai është rikthyer në Drejtorinë e Përgjithshme të Tatimeve në vitin 2018./BIRN/

- Reklama -

Më shumë nga kategoria




Të fundit

”Nuk ishte vetëm”/ Flet kamerieri që i shërbeu kafenë e fundit Behar Sofisë

Personi që i shërbeu kafenë e fundit Behar Sofias, kamerieri i lokalit me inicialet K.Gj., ka treguar se 66-vjeçari nuk ishte vetëm ditën që...

Kreu i OBSH: Shtetet bëjnë gabim të madh nëse mbështeten vetëm te vaksina

Organizata Botërore e Shëndetësisë deklaroi se rritja e madhe e rasteve të reja me koronavirus në 57 shtete, vjen si pasojë e varianteve të...

Kreu i PE: Të gatshëm të ndihmojmë Shqipërinë në luftën kundër Covid-19

Presidenti i Parlamentit Europian, David Sassoli ka reaguar pas takimit në Bruksel me kryeministrin Edi Rama. Sipas Sassoli, institucioni që ai drejton dha “ok”-in për...

Kosova në pritje të konfirmimit nga COVAX për marrjen e vaksinave

Ministria në detyrë e Shëndetësisë në Kosovë tha se është në pritje të “konfirmimit final” nga COVAX për marrjen e dozave të para të...

Ukraina hedh në plehra vaksinat anti-covid, mjekët refuzuan t’i marrin

Ukrania ka hedhur poshtë disa doza vaksina anti-covid pasi mjekët kanë refuzuar që t’i marrin. Në lidhje me këtë ka folur edhe kreu i Partisë...