Kancelarja gjermane Angela Merkel, ka kërkuar shtrëngim masash në lidhje me pandeminë. Ajo ka urdhëruar masa të reja kundër Covid-19.
Mediat e huaja raportojnë se Merkel ka thënë se dyqanet jo thelbësore, do të qëndrojnë të mbyllura. Shkollat të nisin mësimin online. Jo vetëm kaq, por eventet fetare të mbahen nën masa të larta të higjenës, e ndërsa njerëzit nuk duhet të konsumojnë alkool në publik.
Gjermania tani ndodhet në një mbyllje të lehtë. Pak ditë më parë, kancelarja tha se në tremujorin e parë të vitit të ardhshëm, nuk do të bëjnë aq vaksina sa të shohin ndonjë ndryshim të dukshëm të gjendjes, duke sfumuar kështu shpresat e ngjallura nga lajmi për fillimin e vaksinimit. Merkel bëri thirrje ndër të tjera që të dhurohen më shumë fonde për të siguruar vaksina edhe për vendet e varfra, e jo vetëm për Gjermaninë dhe BE-në.
