Politikë

“Shullazja e qeverisë”, ish deputeti-ministres Shahini: A di shqip?!


               Publikuar në : 14:51 - 15/04/19 Enno

Ish-deputeti i Partisë Demokratik, Luçiano Boçi ka reaguar pas vendimit të ministres së Arsimit, Besa Shahini për komandimin e Benard Dostit si rektor i Universitetit të Tiranës.

Përmes një postimi në “Facebook”, Boçi e konsideron një akt të paprecedent antikushtetues pezullimin e rektorit të UT, Mynyr Koni.

“‘A di shqip Ministrja e Arsimit’. Rama me ministren e tij profane, marrin kontrollin e Universitetit të Tiranës me dhunë, jashtë çdo ligji e Kushtetute. Në një akt të paprecedent antikushtetues dhe antiligjor, Ministrja e arsimit, Shahini pezullon e shkarkon, Rektorin e UT. Në të njëjtin urdhër bakalli, ka komanduar Rektorin e ri. Nenet që i referohet urdhëri, nuk i japin asaj tagër ligjor për të dy vendimet. Por siç duket Ministrja ka shumë probleme me kuptimin e shqipes”, shkruan Boçi.

Sipas ish-deputetit, ministres Shahini i duket vetja “Shullazi i Qeverisë” dhe nuk e ka idenë çfarë roli ka.

“Jo vetëm. I duket vetja Shullazja e qeverisë. Ka probleme dhe me kuptimin e rolit që ka. Sipas nenit 39, pika 10, të cituar në Urdhër, Ministrja i propozon shkarkimin e Rektorit, Presidentit.  Në rast mosshprehje nga ana e tij, për një muaj shpall zgjedhjet. Këtë e thotë neni 39/10, troç e shqip shqip. Pra, Ligji nuk parashikon asnjë komandim dhe asnjë ekzekutim shkarkimi, pa fjalën e Presidentit”, shkruan më tej Boçi.

Kthehu
WhatsApp Denonco ne TT