E premte, 28 Janar, 2022
4.5 C
Tirana

Shtetet e Bashkuara fillojnë bisedimet për lirimin e pengjeve nga Irani

Këshilltari i Shtëpisë së Bardhë për Sigurinë Kombëtare, Jake Sullivan, tha të dielën se Shtetet e Bashkuara kanë filluar bisedimet me Iranin për lirimin e të paktën pesë pengjeve amerikanë, që po mbahen nga Teherani.

Në një intervistë për emisionin “Face the Nation” të kanalit CBS News, Sullivan tha se ishte një “përparësi e rëndësishme” e administratës së presidentit Joe Biden për t’i kthyer amerikanët “të sigurt në vend” dhe se mbajtja e tyre kishte shkaktuar një “indinjatë të thellë”.

“Ne kemi filluar të komunikojmë me iranianët për këtë çështje,” tha zoti Sullivan, duke vlerësuar se pengjet po mbahen “në një mënyrë të padrejtë dhe të paligjshme”, ndërsa e cilësoi këtë si një “katastrofë humanitare”.

Irani po mban 12 persona me shtetësi të dyfishtë, përfshirë pesë amerikanë, kryesisht nën akuza për spiunazh.

Me gjithë diskutimet rreth pengjeve, zoti Sullivan tha se nuk kanë filluar bisedime me Teheranin në lidhje me rikthimin e Shteteve të Bashkuara në marrëveshjen ndërkombëtare të vitit 2015 për të frenuar programin bërthamor të Iranit, për të cilin zyrtarët iranianë thonë se është për qëllime paqësore dhe jo për zhvillimin e armëve bërthamore.

Presidenti Biden tha të premten se Shtetet e Bashkuara duan të “ri-angazhohen në negociata” për të rigjallëruar marrëveshjen nga e cila ish-presidenti Donald Trump u tërhoq në vitin 2018.

“Ne kemi nevojë për transparencë dhe komunikim për të minimizuar rritjen e keqkuptimit strategjik ose të gabimeve,” tha presidenti Biden në Konferencën virtuale të Sigurisë në Mynih.

Por zoti Sullivan tha se “Irani nuk u është përgjigjur ende” përpjekjeve për të rinisur bisedimet bërthamore.

“Është Irani ai që është izoluar tani në pikëpamje diplomatike, jo Shtetet e Bashkuara, dhe topi është në fushën e tyre”, tha ai.

Lexo edhe :   “Non grata”, Berisha: Kam bindjen se SHBA do ta korrigjojë gabimin

Më herët të dielën, Irani tha se Shtetet e Bashkuara nuk do të jenë në gjendje të ribashkohen me marrëveshjen bërthamore para se të heqin sanksionet ekonomike kundër Teheranit. Uashingtoni thotë se Teherani duhet së pari të veprojë në përputhje me marrëveshjen e vitit 2015 dhe të ulë shkallën e pasurimit të uraniumit.

Lexo edhe :   SWIFT mund të jetë "a*ma" nga e cila Rusia ka më shumë frikë

Komentet në Uashington dhe Teheran u bënë ndërsa Rafael Grossi, drejtor i Përgjithshëm i Agjencisë Ndërkombëtare të Energjisë Bërthamore, takoi zyrtarët iranianë në përpjekje për të siguruar që inspektorët e tij të vëzhgojnë programin bërthamor të Teheranit./VOA/

- Reklama -

Më shumë nga kategoria




Të fundit

Mesazhet e Nokës me Nikollën e Manjën/Alibeaj: “Foltorja” bashkëpunon me Ramën

Në seancën e djeshme plenare të zhvilluar në Kuvend, mediat kanë kapur bisedat nga celulari i deputetit demokrat Flamur Noka, që ka zhvilluar në...

“Non grata”, Berisha: Kam bindjen se SHBA do ta korrigjojë gabimin

Për Berishën, deklarimi “non grata” nga ana e SHBA-së, është i bazuar në shpifje. Në emisonin "Opinion" në Tv Klan, Berisha ka deklaruar se...

“Urdhër nga Rama për të sulmuar FSHF-në”? Veliaj e thotë troç

Kreu i Bashkisë së Tiranës, Erion Veliaj, ka hedhur poshtë në mënyrë kategorike hipotezën nëse me urdhër të Ramës ka sulmuar FSHF-së. I ftuar...

Rama bën parashikimin e ‘frikshëm’: Më 6 mars futet Meta, bashkohet me Berishën

Mbrëmjen e djeshme në emisionin “Open”, kryeministri Edi Rama ka bërë një parashikim për zgjedhjet e pjesshme lokale të 6 marsit. Ai ka thënë...

Reshje dhe borë, si do të ndryshojnë temperaturat nesër

Vendi ynë për ditën e premte pritet të jetë nën ndikim të masave ajrore relativisht të paqëndrueshme. Moti do të nisë me kthjellime dhe...