Shqipëria nën ujë, Braçe: Situata nën kontroll, i kemi pastruar kanalet

Reshjet e dendura të shiut të ditëve të fundit, kanë shkaktuar përmbytje të mëdha në disa nga qytetet e vendit.

Gjatë mbledhjes së Komitetit Ndërministror i Emergjencave Civile, zv.kryeministri, Erion Braçe deklaroi se të gjitha akset rrugore janë të hapura, të kalueshme dhe në gjendje të mirë.

Braçe u shpreh se energjia elektrike nuk ka munguar, dhe se shtabet janë mbledhur çdo ditë për të kontrolluar situatën.

Sipas tij, situata është nën kontroll, pasi kanalet kulluese janë pastruar nga bashkitë gjatë verës.

Erion Braçe: ”Të gjitha akset rrugore janë të hapura, të kalueshme dhe në gjendje të mirë. Më duhet që të përgëzoj edhe Ministritë sepse as energjia elektrike nuk ka munguar nga veriu në Jug. Menaxhimi i kaskadës së Drinit ka qenë optimal. Kjo është arsyeja që sot që flasi, ne kemi një situatë të kontrolluar plotësisht edhe në kaskadën e Drinit. Të gjithë këtyre agjencive nuk u ka munguar në asnjë moment edhe mbështetja financiare. Shtabet janë mbledhur çdo ditë për të kontrolluar situatën. Sot ka qenë situata më e vështirë. Asnjë rajon nuk ka qenë pa 100 mm reshje shiu. Pavarësisht kësaj, sot është dhënë efekti, veçanërisht në disa zona që janë tradicionalisht të tilla. Megjithatë puna e kryer gjatë verës, që janë pastruar të gjitha kanalet nga Bashkia dhe Bordi i Kullimit. Unë vetë kam vëzhguar të gjithë zonën e rrezikuar. Të gjithë kanë bërë pjesën e zonës së tyre.”