E enjte, 24 Qershor, 2021
19.5 C
Tirana

Shqipëri/ Rreth 5 mijë mjekë e infermierë u prekën nga virusi në 2 spitalet Covid

Rreth 5 mijë raste pozitive me koronavirus janë konstatuar në personelin mjekësor në dy spitalet covid, ai infektiv në QSUT dhe në spitalin nr.2 “Shefqet Ndroqi” në periudhën kohore prill-gusht.

Në një intervistë për gazetën “Shqip”, shefi i laboratorit të Mikrobiologjisë Andi Koraqi thotë se në laboratorin e Mikrobiologjisë, përveç analizës diagnostike për covid 19 që është tamponi, kryhen dhe testet serologjike që tregojnë nëse ke qenë i infektuar nga koronavirusi apo je i prekur.

Mjeku Koraqi tha se faza e parë e testimit serologjik konstatoi infektimin në masën 6.3 përqind në të dy spitalet covid, ndërsa pritet që ky test të ofrohet në 18 mijë mjekë e infermierë, pjesë e sistemit shëndetësor në vend.

Më tej në intervistë, shefi i laboratorit të Mikrobiologjisë propozon hartimin e një kalendari testimi serologjik për mësuesit e nxënësit përgjatë gjithë sezonit shkollor, si nevojë për të pasur në kontroll situatën epidemiologjike në shkolla dhe frenimin e përhapjes së virusit.

Më poshtë intervista e plotë

Sa është numri i testimeve që kryhen në laboratorin tuaj dhe a kryhet testimi serologjik veç atij klinik me tampon?

Laboratori i Mikrobiologjisë në QSUNT i përgjigjet nevojave të testimit të spitaleve covid 1 dhe covid 2 si dhe pediatrisë, por edhe pavioneve të tjera si dhe urgjencës pra plotëson kërkesat për testim të pacientëve të QSUNT-së si dhe spitalit “Shefqet Ndroqi” tashmë ë njohur si Covid 2.

Por laboratori ynë do t’i shërbejë edhe spitalit covid 3 në të ardhmen.

Ai kryen analizën rtPCR për të diagnostikuar pacientët por edhe tamponet (pra rtPCR e rikontrollit) për të parë nëse pacientët pozitivë dikur janë negativizuar dhe plotësojnë kushtet  për të lënë spitalin.

Për sa i përket testimit serologjik, pasi u përfundua faza e parë e testimit serologjik për personelin shëndetësor më në risk pra e spitaleve Covid 1 dhe Covid 2 si dhe gjithë punonjësit e QSUNT, ku në total rezultoi se një përqindje e vogël e personelit shëndetësor ka rënë në kontakt me virusin po përgatitet për zgjerimin e testimit të grupeve në risk duke e shtrirë atë për të gjithë personelin shëndetësor në të gjithë Shqipërinë. Janë rreth 18 mijë mjekë e infermierë në shërbimin parësor dhe spitalor që do ti nënshtrohen testeve serologjike në një fazë të dytë e cila pritet të nisë së shpejti.

Lexo edhe :   Turqia ndalon muzikën në mesnatë, qytetarët shpërthejnë ndaj Erdoganit

Laboratori i Mikrobiologjisë po bën gati kapacitetet e duhura me bazë materiale me kite që do të duhet për mbulimin me testime të gjithë personelit në vend.

Gjithashtu po në këtë laborator do të testohen edhe dhuruesit potencialë të plazmes hiper immune për të parë nëse i plotësojnë kushtet për dhurim apo jo pra nëse plazma e tyre plotëson kushtet për trajtimin me plazëm hiperimune.

Lexo edhe :   Koronavirusi/ 5 raste të reja nga 4 mijë testime në 24 orët e fundit

A ka nisur mbledhja e plazmës tek pacientët që kanë kaluar koronavirus tek ne?

Me sa di une mbledhja e plazmës ka filluar në personat që plotësojnë kushtet për dhurimin e plazmës, pasi ashtu si gjaku dhe dhurimi i plazmës është një akt vullnetar.

Në disa raste tamponi rezulton fals ndonëse pacienti ka shenja te virusit covid. A mendoni se duhet të ndryshojë protokolli në lidhje me analizën e tamponit kur serologjiku rezulton më i saktë për identifikimin e virusit në organizëm?

Të gjithë ata që merren me teste laboratorike pavarësisht qëllimit të përdorimit të tyre e dinë që çdo test pra çdo teknikë ka dy karakteristika kryesore që emërohen si sensitiviteti dhe specitiviteti.

Për rtPCR në mënyrë teorike këto parametra janë shumë afër maksimales, pra shumë afër 100 %, teorikisht analiza e amplifikimit të zinxhirëve të acideve nukleike është e aftë të detektojë apo të zbulojë praninë në ambientin ku zhvillohet reaksioni edhe tek një zinxhir i vetëm.

Në praktikë aftësia zbuluese ndryshon në një masë të madhe nga ajo teori…/Gazeta Shqip

https://www.gazeta-shqip.com/ne-fokus/laboratori-i-qsut-konfirmon-5-mije-mjeke-e-infermiere-u-preken-nga-viru

- Reklama -

Më shumë nga kategoria




Të fundit

”Grupi i Ferrit”/ Kualifikohen Franca, Gjermania dhe Portugalia

Përfundojnë dy ndeshjet e grupit F. Hungaria ka befasuar Gjermaninënë “Allianz Arena”, teksa i ka mbyllur këto 90 minuta në barazim 2-2. Hungarezët zhbllokuan...

Euro 2020/ Plotësohet rebusi i 1/8-ave, ja përballjet me eleminim direkt

KALENDARI I 1/8-AVE E Shtunë 26 Qershor Uells vs Danimarkë (18:00, Amsterdam) Itali vs Austri (21:00, Londër) E Diel 27 Qershor Holandë vs Rep. çeke (18:00, Budapest) Belgjikë...

Izraeli paralajmëron masa për shkak të variantit Delta

Izraeli njoftoi të mërkurën (23 qershor) se do të shtyjë lehtësimin e hyrjes së turistëve individualë për shkak të shqetësimeve për përhapjen e variantit...

Blinken: SHBA nuk ka partner e mik më të mirë se Gjermaninë

Sekretari amerikan i Shtetit Antony Blinken falenderoi të mërkurën Kancelaren e Gjermanisë, Angela Merkel për “udhëheqjen e jashtëzakonshme” duke thënë se “SHBA nuk kanë...

Gara ‘formale” për kreun e AMA shton shqetësimet për lirinë e medias

Komisioni Parlamentar për Edukimin dhe Mjetet e Informimit Publik – me deputetë në përfundim të mandatit dhe të ashtuquajturën opozitë parlamentare, vendosi të mërkurën...