E enjte, 20 Janar, 2022
10.5 C
Tirana

Shpëtuan nga kampi i ferrit “Al-Hol”, njihuni me skuadrën që nxorën shqiptarët

Ministria për Europën dhe Punët e Jashtme, ka reaguar në lidhje me riatdhesimin e katër fëmijëve dhe një gruaje nga kampi i “Al Hol”, ku mbaheshin gratë dhe fëmijët e luftëtarëve të ISIS në Siri.

Ministria thotë se operacioni u bë i mundur falë bashkëpunimit profesional e serioz, si dhe mbështetjes së pakursyer të autoriteteve të Libanit, Sirisë dhe Administratës Autonome të Sirisë Veriore dhe Lindore. Skuadra prej nëntë personash, mes të cilëve duket edhe shefi i Anti-terrorit në Policinë e Shtetit, Gledis Nano, ka publikuar edhe një foto para fillimit të operacionit.

Floresha Rasha me fëmijët e saj Amar Rasha, Emel Rasha dhe Hatixhe Rasha, së bashku me djalin e familjes Dumani, Endri Dumani, janë shqiptarët që u nxorën nga kampi famëkeq “Al Hol”. Nga i njëjti kamp u riatdhesua edhe vogëlushi shqiptar Alvin Berisha.

Floresha iku në Siri së bashku me bashkëshortin e saj, Diamant Rasha, i cili vra në dhjetor të 2013 me snajper gjatë luftimeve.

Familja Rasha kishte dy fëmijë, Amar dhe vajzën e cila gjithashtu iu vra në kampin famëkeq. Pasi burri vdiq në përleshje, Floresha shumë shpejt u martua me një vendas sirian, që sipas gjyshit të Amar Rashës, Shabanit, ai ishte terrorist.

Megjithatë ajo solli në jetë me të dy vajza, Emel dhe Hatixhe, të cilat bashkë me Amar, u rikthyen nga “Al Hol” në Shqipëri.

Njoftimi

Më datën 27.10.2020 përfundoi me sukses të plotë operacioni i riatdhesimit të pesë qytetarëve shqiptarë nga Siria verilindore, prej të cilëve katër fëmijë dhe një grua me probleme të theksuara shëndetësore.

Finalizimi i këtij operacioni të rëndësishëm humanitar u bë i mundur falë bashkëpunimit, profesional e serioz si dhe mbështetjes së pakursyer të autoriteteve Libanit, Sirisë dhe atyre Administratës Autonome të Sirisë Veriore dhe Lindore.

Qeveria e Republikës së Shqipërisë shpreh falënderimet më të sinqerta për bashkëpunimin dhe mbështetjen e autoriteteve dhe agjencive të tjera të përfshira në këtë operacion si dhe shpreh besimin se ky bashkëpunim do të vijojë edhe në të ardhmen për të mundësuar kthimin në Shqipëri të të gjithë fëmijëve shqiptarë apo edhe personave të tjerë të cilët nuk kanë kryer krime apo akte të tjera terroriste.

Kthimi i fëmijëve dhe i personave të tjerë të pa përfshirë në akte kriminale apo terroriste është një detyrim humanitar i rëndësishëm, por edhe një kontribut i çmuar në luftën e përbashkët kundër terrorizmit.

- Reklama -

Më shumë nga kategoria




Të fundit

Basha pritet me protesta në Laç, ndërhyn menjëherë policia

Kreu i PD-së, Lulzim Basha, është pritur me protesta në qytetin e Laçit. Simpatizantë të Partisë Demokratike që nuk janë dakord me të, kanë...

Meta ia merr këngës me Bujar Qamilin në Shkodër (VIDEO)

Për pak çaste, kreu i shtetit ka harruar zhvillimet politike, duke iu dedikuar pak vetes. Presidenti Meta ia ka marrë këngës me këngëtarin e...

Përplasja te “5 Maji”, Rama: E mira e përbashkët nuk merret peng nga askush

Dje nisi aksioni për shembjen e banesave në lagjen “5 maji” në Tiranë. Forcat policore rrethuan zonën, pasi një pjesë e banorëve kundërshtuan shembjen...

Donaldi shpallet banori më i padëshiruar në “Big Brother” (VIDEO)

Dje në "Big Brother Vip", banorët zhvilluan një spektakël, ku secili rrëmbeu nga një çmim. Pas spektaklit, Egzona si moderatore i ndau çmimet, ku...

Shpërthimi në Tonga, 500 herë më i fuqishëm se bomba atomike e Hiroshimës

Kombi i vogël ishullor i Tongës humbi një nga ishujt e tij më të vegjël, pasi një shpërthim gjigant vullkanik copëtoi tokën në copa...