Kronikë

Shpërndanin drogë/ Arrestohen 4 persona, mes tyre një polic dhe një financier

               Publikuar në : 18:17 - 26/06/19 Enno

Katër persona kanë arrestuar nga SHÇBA në Tiranë, mes tyre edhe një punonjës policie. Nga hetimet për rreth 3 muaj, u siguruan prova se punonjësi i Policisë, në bashkëpunim me persona të tjerë, përveç se ishin përdorues, shpërndanin edhe lëndë narkotike.

Punonjësi i policisë, Ledion Bako, 27 vjeç duke keqpërdorur atributet që i jepte detyra, siguronte mbarëvajtjen e këtij aktiviteti të kundërligjshëm. Mësohet se gjatë kontrollit të ushtruar, të arrestuarit i është gjetur një sasi kokaine, një armë, ndërsa akuzohet edhe për shpërdorim detyre.

Ndërkohë, Bako ka qenë prej shumë kohësh në hetim. Në pranga kanë rënë edhe 3 persona të tjerë, J. K., 26 vjeç, nga Tirana, financier, E. M., 35 vjeç, A. K., 31 vjeç.

Njoftimi i policisë:

Tiranë – SHÇBA arreston në flagrancë 1 punonjës policie dhe 3 persona të tjerë

Shërbimi për Çështjet e Brendshme dhe Ankesat (SHÇBA), mbi bazën e të dhënave që dispononte rreth implikimit të një punonjësi policie në veprimtari të kundërligjshme në fushën e narkotikëve, në bashkëpunim me Prokurorinë e Rrethit Gjyqësor Tiranë zhvilloi një hetim të plotë, duke aplikuar metoda speciale hetimi.

Nga hetimet për rreth 3 muaj, u siguruan prova se punonjësi i Policisë, në bashkëpunim me persona të tjerë, përveç se ishin përdorues, shpërndanin edhe lëndë narkotike. Ai duke keqpërdorur atributet që i jepte detyra, siguronte mbarëvajtjen e këtij aktiviteti të kundërligjshëm.

Nisur nga rrethanat, faktet e paraqitura dhe analiza e bërë me Prokurorin e çështjes, u zhvillua operacioni dhe u arrestuan në flagrancë:

– L. B., 27 vjeç, nga Tirana, me detyrë ndihmës specialist për Hetimin e Krimeve në Komisariatin e Policisë Nr. 2 Tiranë, për veprat penale të “Prodhimit dhe shitjes së narkotikëve”, “Ushtrim i ndikimit të paligjshëm ndaj personave që ushtrojnë funksione publike” dhe “Mbajtje pa leje e armëve dhe municioneve”;

– J. K., 26 vjeç, nga Tirana, financier, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”;

– E. M., 35 vjeç, nga Tirana, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”;

– A. K., 31 vjeç, nga Tirana, për veprën penale të “Prodhimit dhe shitjes së narkotikëve” dhe “Mbajtje pa leje e armëve dhe municioneve”.

Gjatë operacionit u sekuestruan provat materiale:

– pistoletë me fishekë;

– disa telefona celularë;

– dy qese plastike, në të cilat dyshohet se ka mbetje të lëndës narkotike kokainë;

– kopje kartëmonedhash të huaja

Hetimet po vijojnë edhe ndaj personave të tjerë, të cilët dyshohet se janë furnizues me lëndë narkotike të personave të arrestuar.

SHÇBA nxit qytetarët të denoncojnë çdo rast abuzimi me detyrën të punonjësve të policisë, duke telefonuar në numrin falas 0800 90 90, duke garantuar reagim të shpejtë dhe të ashpër ligjor.

Kthehu
WhatsApp Denonco ne TT