Konspiracionisti Alfred Cako, në puntatën e radhës të “Rrethit Katror” në emisionin “E Diell”, bëri një deklaratë përtej imagjinatës, ku tha se kryeministri Rama është një klon. Edhe president rus Vladimir Putin, sipas Cakos, është një klon dhe se kloni projektohet në mënyrë të atillë që ka të gjitha informacionet që ka pasur ai që klonon dhe mendon se është personi të cilin përfaqëson.
“Gojët e liga thonë se pasi u kthye nga USA, kryeministri jonë nuk është Edi Rama por një klon, edhe Putin është një klon dhe Mike Pence është një klon i cili sapo u vaksinua dje. Ndërsa Trump dhe Biden nuk janë shprehur për vaksinën.
Liderët e vërtetë sipas ideve konspiracioniste, edhe Hyseni është gjallë dhe ka jetuar në një nga qytetet nëntokësore të Brazilit dhe po kështu thuhet edhe për Abraham Linkoln ku mendohet se është vrarë por nuk është vrarë, por ka jetuar në një vend të fshehtë derisa ka vdekur. Kloni projektohet në mënyrë të atillë që ka të gjitha informacionet që ka pasur ajo që klonon, një, dhe kloni mendon se është personi të cilin përfaqëson”, tha Cako.
