Duket se debatet janë të pashmangshme në “Dance With Me”. Është Robert Aliaj, i cili gjithmonë ikën nga turma, duke shfaqur identitetin e tij. Por mbrëmja e djeshme është shoqëruar me debate.
Shkak është bërë një kompliment i moderatores Alketa Vejsiu, drejtuar Robert Aliajt.
“S’kemi pse të jemi fallco, pse mos jemi të sinqertë”, i tha Roberti-moderatores.
“Unë të bëra një kompliment, po flas shqip, jo kinezçe. Mbështetu tek e mira, mos shiko busull publikun”, ia ktheu Alketa.
“Alketa ke pasqyrën përpara, më duket po flet për veten”, i tha Roberti.
“Nuk u morëm vesh, ishte moment konfuz”, u shpreh Alketa, për të mbyllur debatin. Por këtë situatë të nxehtë është munduar ta zbusë me ëmbëlsinë e saj Valbona.
“Alketa mos ju fut lojës së Bertit, se kemi një spektakël për të bërë”.
“O Valbona, nuk i futem lojës së Robertit unë jo”, ia ktheu moderatorja.
“Robert na fëlliqe, tani t’i japim situatës ngjyrat e kërcimit”, përfundoi Alketa.
