Futboll

Shënoi dhe u kritikua, flet Ramadani: Nuk e hodha fanellën, por ishte… (Video)

               Publikuar në : 16:06 - 12/06/19 Enno

Kuqezinjtë e drejtuar nga Edy Reja kanë marrë një fitore mjaft të rëndësishme një natë më parë në “Elbasan Arena” ndaj Moldavisë. Ishin Cikalleshi dhe Ylber Ramadani autorët e golave në këtë sfidë, që mban gjallë shpresën për një kualifikim në Euro 2020, pasi jemi vetëm 3 pikë pas vendit të parë, që mbahet nga Franca, Turqia dhe Islanda me 9 pikë.

Ramadani ishte autori i golit të dytë në minutat e fundit të sfidës, por festimi i mesfushorit ka hapur paksa debat mes sportdashësve, që e kanë kritikuar për hedhjen e fanellës.

Në një intervistë për “Supersport”, Ramadani ka zbardhur gjithçka: “Heqja e fanellës? Nuk e hodha por ishte gëzim pasi të nisësh kualifikueset me gol është e veçantë. Golin ia dedikoj familjes, stafit dhe atyre që ishin këtu.

Numri 9? U çudita kur e pashë, por Memushaj më solli fat. Magazinieri na i bën numrat dhe më dha këtë 9. Besoj se ishte e llogaritur”, ka thënë Ramadani.

Kthehu
WhatsApp Denonco ne TT