“Shenja të pazakonta në lëkurë”, shkencëtarët befasohen me simptomat e COVID-19

Shkencëtarët janë shokuar me zbululimin më të fundit, kur ndër shenjat e koronavorusit viheshin re edhe mavijosjet në lëkurë. Kërkuesit kanë vënë re disa shenja të pazakonta në lëkurë, duke e listuar tashmë si një shenjë e re e COVID-19.

Një studim i kryer nga mjekët spanjollë flet për pesë lloje skuqjesh, përfshirë gishtin e këmbës që ka prekur disa pacientë të diagnostikuar me Covid-19.

Skuqjet kishin tendencë të shfaqeshin tek të rinjtë dhe zgjatën disa ditë. Nuk është e pazakontë që skuqja të jetë një simptomë e një virusi.

Studiuesi kryesor, Dr. Ignacio Garcia-Doval, tha se forma më e zakonshme e skuqjes në studim ishte makulopapula: gunga të vogla, të sheshta dhe të ngritura të kuqe që priren të shfaqen në trungun e trupit.

“Zakonisht kjo shfaqet më vonë, pas problemeve me frymëmarrjen, kështu që nuk është mirë për diagnostikimin e pacientëve,”- tha ai, për BBC-në. Pacientët që u përfshinë në studimin në fjalë, ishin të shtruar në spital me koronavirus. Punimi i rishikuar nga kërkuesit u botua këtë javë në British Journal of Dermatology.