Tuesday, May 17, 2022
21.5 C
Tirana

SHBA/ Ivanka Trump merret në pyetje nga prokurori për keqpërdorim fondesh

Ivanka Trump, vajza dhe këshilltarja e presidentit, u mor në pyetje këtë javë si pjesë e një procesi gjyqësor që po shqyrton pretendimet për keqpërdorimin e fondeve për ceremoninë e inaugurimit të Presidentit Trump katër vjet më parë.

Zyra e Prokurorit të Përgjithshëm të Distriktit të Kolumbias, Karl Racine njoftoi se dëshmia e saj u bë të martën.

Në padinë e ngritur në janar të këtij viti, prokurori Racine thotë se biznesi i pasurive të patundshme të Donald Trumpit dhe subjekte të tjera kishin keqpërdorur fonde të dhuruara nga organizata jofitimprurëse, për të pasuruar familjen Trump.

Sipas padisë, një korporatë jofitimprurëse e përjashtuar nga taksat, e quajtur “Komisioni i 58-të Përurues Presidencial” bashkëpunoi me familjen Trump për të paguar shuma të mëdha për aktivitete të organizuara në hotelin “Trump International” në Uashington.

Sipas akuzës, në një rast, organizata jofitimprurëse pagoi më shumë se 300,000 dollarë për një pritje private në hotelin Trump për tre fëmijët e presidentit – Donald Jr., Ivanka dhe Eric – në mbrëmjen e inaugurimit të 20 janarit 2017. “Ligji kërkon që organizatat jofitimprurëse t’i përdorin fondet e tyre për qëllimin që kanë deklaruar publikisht, jo për të përfituar individë ose kompani private,” tha zyra e prokurorit Racine në fillim të këtij viti.

Aktpadia kërkon rikthimin e 1 milion dollarëve, që dyshohet se kanë shkuar drejtpërdrejt në biznesin e familjes Trump.

Një zëdhënëse e Shtëpisë së Bardhë nuk iu përgjigj kërkesës për koment. Komisioni Përurues ka thënë se buxheti i tij është inspektuar në mënyrë të pavarur dhe se të gjitha fondet janë shpenzuar në mënyrë të ligjshme.

Megjithëse ligjet e financimit të fushatave kufizojnë sasinë e kontributeve që jepen për to, komisionet e inaugurimit mund të pranojnë donacione të pakufizuara, përfshirë nga korporatat.

Sipas regjistrit të Komisionit Federal të Zgjedhjeve, 107 milionë dollarët e mbledhur nga Komisioni Përurues i Presidentit Trump, i kryesuar nga investitori Thomas Barrack, ishte shuma më e madhe në histori.

Ish ndihmësi i fushatës së Presidentit Trump, Richard Gates shërbeu si nënkryetar i Komisionit Përurues.

Gates ishte një nga disa bashkëpunëtorët e zotit Trump që u dënua pas hetimeve të ish-Prokurorit të Posaçëm Robert Mueller për ndërhyrjen e Rusisë në zgjedhjet e vitit 2016./VOA/

- Reklama -

Më shumë nga kategoria




Të fundit

Suedia nënshkruan aplikimin për anëtarësimin në NATO

Ministrja e Jashtme e Suedisë, Ann Linde, nënshkroi të martën në mëngjes një aplikim që deklaronte se vendi dëshiron të anëtarësohet në NATO. Lëvizja shënon...

Turqia e prerë, s’do të miratojë anëtarësimin e Suedisë dhe Finlandës në NATO

Presidenti i Turqisë, Recep Tayyip Erdogan, tha të hënën se nuk do ta miratonte anëtarësimin e Suedisë dhe Finlandës në NATO, nëse ato sanksionojnë...

Energjia, 37 për qind e faturave nuk u paguan në kohë nga konsumatorët

Të paktën 37 për qind e faturave të energjisë nuk janë paguar në kohë nga konsumatorët, dhe nga ana e Operatorit të Shpërndarjes së...

Kushi me përfaqësues të Bankës Botërore/Digjitalizimi siguron sistem të qëndrueshëm arsimor

Ministrja e Arsimit dhe Sportit, Evis Kushi, priti në një takim përfaqësuesit e Bankës Botërore në Shqipëri, z. Emanuel Salinas dhe z. Nalin Jena,...

Nga bananet tek qymyri, zbulohen 53 pako me lëndë narkotike në portin e Durrësit

Gjatë viteve të fundit, porti i Durrësit është kthyer në një "strehë" për trafikantët. Lënda narkotike shpesh fshihet në kamionët me banane. Por tashmë...