E enjte, 17 Qershor, 2021
15.5 C
Tirana

SHBA/ Disa udhëheqës fetarë sfidojnë distancimin social

COVID-19 po prish planet e të krishterëve për Pashkë, si edhe kremtimeve hebraike dhe myslimane.

Megjithëse shumë kisha, sinagoga dhe xhami kanë ndërprerë shërbesat, disa udhëheqës fetarë në Amerikë, po kritikohen ashpër sepse nuk po respektojnë ndalimet e grumbullimeve publike.

Një prift në Florida u arrestua për mbajtjen e shërbesave kishtare për qindra besimtarë. Rodney Howard-Browne u akuzua për mbajtjen një grumbullim të paligjshëm, duke sfiduar urdhrat për të qëndruar në shtëpi. Ai vazhdon të mbetet sfidues.

“Nuk turpërohem që arrestohem se ndjek amendamentin e parë të Kushtetutës. E di që Sherifi tha se nuk mund të fshihemi pas atij amendamenti, por mundemi”.

Autoritetet lokale po e marrin seriozisht shkeljen.

“Shpërfillja e tij ndaj jetës së njerëzve, vë në rrezik qindra vetë në kishën e tij dhe mijëra të tjerë që mund të kenë kontakte me ta”, thotë sherifi Chad Chronister.

Nuk është një rast i veçuar. Së fundmi, njerëzit mbushën një kishë në Baton Rouge të Luizianës. Prifti i saj u arrestua.

Që kur shpërtheu epidemia, shumë objekte fetare kanë mbyllur dyert, duke i mbajtur shërbimet në internet. Reverendia, Sylvia Sumter thotë se është veprimi i duhur.

“Të vendosësh njerëzit në rrezik, bie ndesh me urdhrin kishtar për të mos shkaktuar dëm dhe për të mirën e përgjithshme. Të mbash kishën hapur, nuk i shërben të mirës së përgjithshme të besimtarëve të tu dhe atyre që hyjnë në kontakt me ta”, thotë ajo.

Me kufizimet e reja, disa kisha po mbajnë shërbime në qiell të hapur që krijon kushte për distancimin social.

“Megjithëse na duhet të mbajmë distancën, ne mund të jemi të bashkuar”.

Shumë objekte besimi po vuajnë financiarisht. Mungesa e shërbimeve do të thotë ndalje e dhurimeve personale. Tani po bëhet thirrje për dhurime online.

Lexo edhe :   Samiti G7/ Kina me tone të forta ndaj superfuqive botërore. "Shpifin mbi Kinën"
Lexo edhe :   Lajm i keq nga Italia, shtyhen kufizimet deri më 30 korrik

“Ne duam ta kemi kishën edhe kur kjo të kalojë. Kemi për të paguar kredinë, të kemi energji elektrike dhe të paguajmë rrogat e punonjësve”, thotë reverendja Sumter.

Pasiguria shtohet pasi askush nuk e di se kur do të mbarojë pandemia dhe kur mund të rifillojë grumbullimi i besimtarëve në objektet fetare. /Voa

- Reklama -

Më shumë nga kategoria




Të fundit

Reporterët pa Kufij: Rusia po i vret mediat e pavarura

Reporterët pa Kufij paralajmëruan për “zhdukjen graduale” të mediave të pavarura në Rusi dhe i kërkuan presidentit Vladimir Putin që të shfuqizojë të ashtuquajturin...

Italia ”shkërmoq” Zvicrën dhe kalon në raudin tjetër të ”Euro 2020”

Përfundon ndeshja e Grupit C. Italia ka mundur me rezultatin e pastër 3-0, Zvicrën dhe është kualifikuar në raundin tjetër të “EURO 2020”. Ndeshja u...

Irani synon blerjen e satelitëve rusë

Njoftimet se Irani po kërkon të blejë një sistem satelitor rus të avancuar nuk janë "veçanërisht shqetësuese" për sigurinë e trupave amerikane në rajon,...

Padia e Metës për Teatrin Kombëtar, Kushtetuesja tërhiqet për të marrë vendimin

Ka përfunduar pas 12 orësh, seanca në Gjykatën Kushtetuese për çështjen e shembjes së Teatrit Kombëtar, e cila filloi mëngjesin e sotëm rreth orës...

“Mos përdor gjuhën e Bashës”/ Spiropali debat me Abilekajn për 25 prillin

Ministrja e Shtetit për Marrëdhëniet me Parlamentin dhe gazetari Enton Abilekaj, janë përfshirë në një debat mbrëmjen e sotme. Të ftuar në emisionin ''Open''...