E hënë, 18 Tetor, 2021
12.5 C
Tirana

Sa afron pranvera, çmenden politikanët tanë

Nga: Ben Andoni

Nëse do të pyesësh një shqiptar të thjeshtë lidhur me përshtypjet për politikanët, do të përgjigjet me indiferencë dhe një pjesë jo e vogël me neveri. Kjo klasë politike, vërtetë, zgjidhet nga shqiptarët por prej kohësh prej sistemeve të ngritura zgjedhore, nuk i përfaqëson më ata.

Një e tillë duket sot përfaqësimi i presidentit të vendit dhe thirrjet e tij për të ashtuquajturat ndryshime popullore. Është e pamundur të afrohet pranvera si stinë dhe politikanët të mos aktivizohen. Berisha, Nano, Berisha sërish, Rama, Meta, Basha dhe sërish Meta do mbahen mënd vetëm me ato që i bëjnë pranverave. Për çdo vit, në këto 30 Vjet, pranvera nis me aksione politike.

Përpjekja e madhe është për t’u identifikuar. Nuk ka rëndësi sesa kapacitet ke apo çfarë do afrosh për njerëzit, jo thjeshtë duhet të turbullosh. Por, ndërsa natyra e realizon ndryshimin prej një udhe të pagabueshme kozmogonike të planetit, politikanët tanë e bëjnë për të fituar pikët e munguara, gjatë Vjeshtës dhe Dimrit.

Askush nuk i ka penguar që gjatë mandateve të tyre, qoftë “ Të Majtët”, por edhe “Të Djathtët” të peshojnë me punën e tyre dhe të bëjnë jetën e njerëzve më të thjeshtë, por jo. Duhet të vij kundërshtari dhe pastaj të prishin gjithçka, të kundërshtojnë, duke e mbuluar me koperturë popullore… Në pranverë.

Një e tillë po duket me lëvizjen pa fizionomi të presidentit, që me shumë gjasa ka kohë që ka nisur të shqyrtohet. Si jo pak herë, zyra e tij, që i mungon klasi i komunikimit dhe respekti i etikës, tregoi skenarin e ri apo “Revolucionin Popullor” Nr. 2.

“Parlamentin do e shpërndajë populli. Presidenti vetëm do të zbatojë vullnetin e tij. Dhe dekretin për kthimin e ligjit për grushtin e shtetit do e vendosë populli. Presidenti vetëm do e firmosë në emër të tij. Do ketë disa dekrete për shpartallimin e “Gushtit të Shtetit”. Bëni durim! Dekretet do ti zbatojë populli shqiptar!”

Lexo edhe :   "Simbol i përsosmërisë”, Meta i rikonfirmon “dashurinë” Berishës
Lexo edhe :   "Simbol i përsosmërisë”, Meta i rikonfirmon “dashurinë” Berishës

Po a ka lëvizje pro-president veç mbështetësve të LSI, partisë së tij bazë dhe patericës së PD-së? Jo. Për fat të keq, tashmë nuk ka dhe administratë, sepse të dy partitë BIG po mundohen ta neutralizojnë rolin e saj.

Është radha e konstitucionalistëve të vërtetë të tregojnë e ta shpjegojnë këtë kaos qe po ndodh me presidentin, por fatkeqësisht edhe ata janë të ndarë, ashtu si është e ndarë gjithçka në këtë vend. E, megjithatë, një gjë është e pagabueshme: Politikanët tanë marrin kot në pranverë. Rasti i presidentit Ilir Meta e tregon më së miri këtë. (Javanews)

 

- Reklama -

Më shumë nga kategoria




Të fundit

Viti i ri akademik nis me tensione, studentët përplasen me policinë në Tiranë

Studentët u rikthyen sot në auditore, por me disa kushte të cilat janë bërë publike pak ditë më parë nga rektori i Universitetit të...

Si u përgjysmuan në tetë vjet humbjet në sistemin energjitik shqiptar

Nga: Ilir Beqaj Prodhimi i energjisë elektrike në vite Vihet re që nga viti në vit ka luhatje të ndjeshme të energjisë elektrike të prodhuar në...

“U lodha, nuk dua të më shohë mami”, Semi shpërthen në lot para Donaldit

Semi ka patur një moment të tensionuar, pas izolimit brenda një shtëpie të monitoruar me kamera 24 orë. Shkëputja nga jeta e përditshme, duket...

Aksident i pesëfishtë në Durrës

Një aksident i pesëfishtë, fatmirësisht pa të lënduar ka ndodhur mëngjesin e sotëm në zonën e Currilave në Durrës. Një mjet me targa italiane, ka...

Bora Zemani shuan heshtjen për raportin mes Semit dhe Donaldit

Prej startimit të "Big Brother VIP", shumë është aluduar për një pëlqim të mundshëm ndërmjet Donald Veshajt dhe Semi Jaupajt. Mediat rozë kthyen në...