E shtunë, 12 Qershor, 2021
27.5 C
Tirana

RTSH, Këshilli shkarkon Gëllçin, zgjedh Martin Lekën si drejtues të ri

Martin Leka do të zëvendësojë Thoma Gëllçin në krye të Radio Televizionit Publik Shqiptar. Ka qenë Këshilli i ri Drejtues i Radio Televizionit Publik Shqiptar që në mbledhjen e parë pas konstituimit ka liruar nga detyra drejtorin e Përgjithshëm të RTSH-së, Thoma Gëllçi. Vendimi është bërë i ditur nga vetë RTSH, e cila në një kronikë të përgatitur nga departamenti i lajmeve ka informuar se Thoma Gëllcit i ka mbaruar mandati i qëndrimit në detyrë.

Ndërkohë që në këtë kronike, Gëllçi paralajmërohet se çdo vendim i marrë prej tij përtej afatit të lejuar do të konsiderohet si shkelje ligjore. Këshilli Drejtuesi i RTSH i kryesuar nga Leka Bungo ka votuar me 8 vota pro shkarkimin e Thoma Gëllçit, ndërkohë që ka miratuar që drejtimi t’i kalojë zv.drejtorit Martin Leka. “Duke patur parasysh se mandati i drejtorit të Përgjithshëm të RTSH-së, Thoma Gëllçi, ka përfunduar më datë 6/05/2021, Këshilli Drejtues i RTSh-së konstaton se çdo vendim i ndërmarrë nga drejtori i Përgjithshëm pas përfundimit të mandatit të tij përbën shkelje pasi është në tejkalim të kompetencave të tij dhe për të cilat do të mbaje përgjegjësi ligjore. Për sa më sipër dhe në zbatim të nenit 105 pika 2  të ligjit 97/2013 “Për Mediat Audiovizive në RSH”, Këshilli Drejtues i RTSH-së më votën pro të 8 anëtarëve të pranishëm dhe dy votat kundër të dy anëtarëve të tjerë vendosi që drejtori i Përgjithshëm i RTSH-së, Thoma Gëllçi të lirohet nga detyra dhe t’ia dorëzojë detyrën zv.drejtorit të Përgjithshëm të RTSH-së, z. Martin Leka”, thuhet në kronikën e RTSH.

Për shkarkimin e Gëllçit ishin pro anëtarët e pranishëm të tij, Leka Bungo, Petrit Ruka, Ardita Reçi, Milena Selimi, Thanas Goga, Engjëll Ndocaj, Dionis Papadhimitri. Ndërkohë kanë votuar kundër  kundër të dy anëtarëve, Ilir Keko, Genc Përmeti

Vendimi i Këshillit Drejtues të RTSH:

1- Drejtori i Përgjithshëm i RTSH Z.Thoma Gëllçi të lirohet nga detyra dhe t’ia dorëzojë detyrën Zv.Drejtorit të Përgjithshëm të RTSH Z.Martin Leka, në zbatim të nenit 105 pika 2 të ligjit 97/2013 “Për mediat audiovizive në RTSH”.

2- Ky vendim hyn në fuqi menjëherë.”

- Reklama -

Më shumë nga kategoria




Të fundit

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...

”Shpresoj të mos jetë si Trump”/ Putin flet për Biden para takimit në Gjenevë

Presidenti i Rusisë, Vladimir Putin shpreson se homologu i tij amerikan, Joe Biden, do të jetë më pak impulsiv se paraardhësi i tij, Donald...

Të shtëna me armë në SHBA, 13 të plagosur, autori ende i lirë

Një ngjarje e rëndë ka ndodhur të Teksas të Shteteve të Bashkuara të Amerikës, ku një person ka shtënë me armë duke lënë të...

Përmbyset autoboti me naftë në Elbasan, bllokohet shoferi

Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë. Sipas informacioneve paraprake, mësohet se shoferin e ka zëne...