Futboll

Rrogë “faraonike”, Besnik Hasi mbetet në Arabinë Saudite


               Publikuar në : 11:37 - 25/06/19 Enno

Karriera e Besnik Hasit do të vazhdojë në Arabinë Sauditë në stolin e Al Raed, pavarësisht se menaxheri i tij në javët e fundit bëri të pamundurën që ta kthente në Belgjikë. Ish-mesfushori i kombëtares Shqiptare ka kërkuar nga menaxheri i tij që ta rikthejë në arenë evropiane, por me kushtin që rroga e tij të jetë e njëjtë me atë të klubit aktual.

Fatkeqësisht për Hasin, të gjithë klubet e kontaktuara  kanë refuzuar këtë sapo kanë mësuar se cila është rroga aktuale e Hasit. Menaxheri i tij, Mogi Bajat, kontaktoi dhe nisi negociatat me dy kube belge, por në asnjë prej rasteve nuk arriti të konkretizonte sapo u bëri të ditur se në vitin e tij të parë në Arabinë Saudite, Hasi kishte përfituar një rrogë 1,2 milionë euro.

Për më tepër, pasi renditi skuadrën në vendin e 8, klubi i cili fillimisht kishte menduar ta shkarkonte, i rriti rrogën, duke ia bërë tashmë 1,5 milion euro në sezon, shifër e paarritshme për klubet belge, por edhe për shumë kampionate të tjera më cilësorë në Europë.

Me pak fjalë, për përfitime të tilla, Hasi do të jetë i detyruar të vazhdojë në Arabinë Saudite dhe vetëm nëse ul ndjeshëm pretendimet financiare, atëherë mund të gjejë skuadra që e presin krahëhapur.

Kthehu
WhatsApp Denonco ne TT