E diel, 13 Qershor, 2021
15.5 C
Tirana

Rrjeti 5G po përhapet me shpejtësinë e erës në SHBA, por ja çfarë thonë shkencëtarët për ndikimin e tij

Në SHBA po shtrihet me hapa të shpejta rrjeti 5G. Por sipas ekspertëve duhet të kalojnë vite para se ky rrjet të shihet dhe vlerësohet nga të gjithë.

Ndërkohë kompania Apple pritet të prezantojë telefonin e saj të parë që funksionon në rrjetin 5G. Në panairin e elektronikës në Las Vegas në janar, kompanitë ekspozuan një seri teknologjish që premtojnë përmirësimin e jetës gjatë viteve në vazhdim. Këtu përfshihej edhe risia tjetër e madhe e rrjetit 5G.

Rrjeti 5G garanton shpejtësi më të madhe, më pak vonesa kur lidhesh në rrjet dhe mundësinë e lidhjes së shumë pajisjeve në internet pa e dëmtuar atë. Por derisa kjo të jetë gati, kompanitë celulare dhe prodhuesit e telefonave duhet të jenë gati.

Charlene Li, analiste me kompaninë Altimeter thotë se:

“5G është i pranishëm në Shtetet e Bashkuara ndërsa shumë kompani konkurojnë me njëra-tjetrën në përpjekje për të ofruar rrjetin. Është absurde që shumica prej nesh nuk mund ta përdorim atë sepse telefonat nuk e mbështesin rrjetin 5G. Madje edhe telefonat 5G nuk kanë sherbim të plotë, nuk mund të kapin të gjitha sinjalet 5G gjatë gjithë kohës.”

Rrjeti 5G do të ofrojë shumë risi. Sipas tyre, ndërlidhja e sensorëve në rrjete mund të menaxhojë trafikun dhe të zbulojë me shpejtësi problemet e semaforëve të rrugëve.

5G mund të lidhë makinat autonome dhe të nxisë aplikime të reja në realitetin virtual dhe aplikimet e tij.

Ky rrjet mund të mundësojë lidhje më të mira në telemjekësi, të ndihmojë kompanitë që të automatizojnë fabrikat dhe të ofrojë për bizneset lidhje më të shpejta në internet.

Por ndikimi i menjëhershëm tek konsumatorët do të jetë shpejtësia e shkarkimit të filmave apo materialeve të tjera video. 5G ofron përmirësime të qasjes në rrjet në vende të mbushura me njerëz, siç janë stadiumet. Jason Leigh është hulumtues me kompaninë IDC.

Ekspertët thonë se do të duhen disa vite që rrjeti 5G të përhapet në shkallë kombëtare. Edhe pas zgjerimit të rrjetit të ri, shumë zona rurale në mbarë vendin ende nuk do të kenë mbulim.

- Reklama -

Më shumë nga kategoria




Të fundit

Belgjika mposht me lehtësi Rusinë, Lukaku i dedikon golin Eriksen (Video)

Përfundon ndeshja midis Belgjikës dhe Rusisë, e vlefshme për grupin B të kompeticionit europian ''EURO 2020''. Skuadra e drejtuar nga Martinez ka shkatërruar rusët...

VOA: Takimin më të vështirë, Biden do e ketë me Erdogan

Presidenti turk Rexhep Tajip Erdogan do të takohet me presidentin amerikan Joe Biden të hënën në takimin e nivelit të lartë NATO-s për diskutime...

Putin nënshkruan ligjin që mbron të dhënat e zyrtarëve të sigurisë

Presidenti rus, Vladimir Putin, ka nënshkruar një ligj që po vlerësohet se mund të pengojë përpjekjet për ekspozimin e korrupsionit ose kërkesën për llogaridhënien...

Itali: Vaksinimi me AstraZeneca, vetëm për personat mbi 60 vjeç

Vaksina Astrazeneca në Itali do të përdoret vetëm për njerëzit mbi 60 vjeç. Lajmi vjen pas rasteve të rralla të trombozës që kanë ndodhur...

Shqipëria ngjitet në çatinë e botës, por me cilat prioritete?

Shqipëria u zgjodh dje anëtare e përkohshme në Këshillin e Sigurimit. Duke filluar nga 1 janari i vitit 2022, Shqipëria do të ulet për...