Rivalitete të zjarrta : Mallkimi i shtatë maceve

Shumëkujt nga ne, kur mendon për rivalitete të zjarrta, apriori i vjen në mendje pasioni dhe gjaku i nxehtë latin, më saktë Boca Juniors-River Plate.
Por derbi më i zjarrtë zhvillohet në një krahinë në periferi të Buenos Aires, në lagjen portuale Avellaneda.
Avellaneda si krahinë ka përfaqësuar historikisht mentalitetin delinkuent të Buenos Airesit. Pra mund të imagjinoni që po aq delinkuent është dhe rivaliteti mes dy skuadrave të qytetit, Racing Clud de Avellaneda dhe Club Atletico Indipendiente.
Racing themelohet në fillim të shekullit të 20-të nga emigrantë spanjollë, ndërsa Indipendiente nga një grup punetorësh fabrike.
Shumë shpejt skuadrat arrijnë të bëhen pjesë e elitës së futbollit argjentinas, duke kontribuar në ktë mënyre në ndezjen e rivalitetit mes dy klubeve.
Nga fillimi i viteve 50-të deri në mesin e viteve 60-të, Racing ishte skuadra më e suksesshme si brënda por edhe jashtë vendit, duke kulmuar me një Kupë Interkontinentale të fituar kundër Skocezëve të Celtic.
Në vitin 1967, ndërsa Racing po festonte Kupën Interkontinentale, një grumbull tifozësh të Indipendientes arrijnë të futen në stadiumin e Racing, për të groposur shtatë mace të zeza në vënde të ndryshme të fushës. Që nga ajo ditë, klubi i Racing nuk arrin të fitojë më asnjë titull për plot 34 vite me rradhë.
Ndër të tjera skuadra zbret një kategori më poshtë duke kaluar probleme serioze financiare.
Tifozët, lojtarët dhe drejtuesit, të prirë nga mentaliteti shumë supersticioz latin, vendosin të gërmojnë cdo cep të fushës duke gjetur gjashtë prej maceve. Ata nuk gjetën paqe deri në gjetjen e maces së fundit, që do shenjonte dhe rikthimin e tyre në fitimin e kampionatit vendas plot 34 vite më vonë. /E.Z/