Rinovim i përjetshëm, zbardhen detajet e kontratës së re të Mesit me Barcelonën

Pas një vere të nxehtë me valixhet e bëra gati dhe pastaj të lëna mënjanë, Mesi duket se ishte gati që të priste fundin e sezonit për t’u larguar nga Barcelona.

Por, pastaj ndryshuan shumë gjëra, mbi të gjitha u rikthye si president Joan Laporta dhe kapiteni filloi të mendonte seriozisht që mund të qëndronte te katalanasit.

Dëshira e tij e përhershme ka qenë që Barça të ketë një projekt të qartë dhe t’i ofrojë garanci për të ardhmen. Leo dëshiron që ta fitojë Ligën e Kampionëve dhe duket se lëvizjet e fundit për të bindur Halandin po e bëjnë të mendojë realisht qëndrimin në Spanjë.

Në ditët e fundit është duke reflektuar mbi të ardhmen, përtej impenjimeve të shumta që ka përditë në stërvitje.

Sipas gazetës “AS” rinovimi me Barcelonën mund të vijë përpara fundit të sezonit dhe Laporta është gati që t’i ofrojë një kontratë të përjetshme kapitenit të tij. Pasi të mbyllë karrierën si futbollist, Leo do të ketë një post drejtuesi në klub dhe pastaj mund të ikë kur të dojë