Politikë

Rindërtimi i banesave/ Rama: Ja deri kur do rrinë me qira banorët e prekur


               Publikuar në : 17:02 - 09/12/19 B H

Kreu i qeverisë, Edi Rama është shprehur se të prekurit nga tërmeti do të qëndrojnë në shtëpi me qira deri në maj të vitit 2021.

Në fjalën e tij në mbledhjen e Komitetit Kombëtar të Rindërtimit, Rama sqaroi se ky pritet të jetë edhe afati për ndërtimin e lagjeve të reja ku ata do të strehohen.

“Po i bien murit me varre se thonë do na bëjnë shtëpi të re. Shqipëria ka banesa që janë në situatë kritike më shumë se kaq. Programi bëhet për ata që kanë humbur strehën ose rrezikojnë jetën nga banesa e tyre. Këto janë shtëpi pak a shumë dhe ne vijomë regjistrimin të atyre banesave që nuk i kemi bërë ende, ose regjistrimin e atyre që janë bërë pa të drejtë. Për qiratë, Bashkitë duhet të bëjnë kontratën që mos të vijnë dhe të thonë ‘kemi rritur qiranë’ dhe kontratën e garancisë që deri në maj 2021 marrim përsipër strehimin tënd”, tha ai.

Rama shtoi se ndërtuesit shqiptarë duhet të japin 3% të sipërfaqes për nevoja sociale.

“Ndërtuesit shqiptarë duhet të japin 3% të sipërfaqes për nevoja sociale, çka mund të shërbejë edhe për të pastrehët nga tërmeti. Vetëm në Tiranë kemi 15 mijë metra katror, sikur me 100 metra katror shtëpia, i bie që strehohen 150 familje”, deklaroi ai.

Kthehu
WhatsApp Denonco ne TT