Të Gjitha

‘Rikthimi i Fullanit’/ Malaj: Shqipëria mund të paguajë mln nga tekat e Ramës


               Publikuar në : 22:32 - 09/12/19 L M

Ish-ministri i Financave Arben Malaj deklaroi se nuk pret surpriza nga votimi në Kuvend për shkarkimin e tij nga detyra si anëtar i Këshillit Mbikëqyrës në Bankën e Shqipërisë. Ndërsa theksoi se do e apelojë vendimin në Gjykatë.

I ftuar në emisionin “5 pyetjet nga Babaramo”, Malaj krahasoi rastin e tij me atë të ish-guvernatorit Ardian Fullani. Teksa ky i fundit, u dëmshpërblye me 52 paga për shkarkim të padrejtë nga detyra.

“Nuk është hera e parë. Kërkesën e parë për shkarkimin tim si Ministër i Financave e ka bërë Saliu i parë, por nuk shkoi fare në parlament sepse kryeministri Fino nuk e mori fare parasysh dhe Komiteti Ndërkombëtar më kishte vlerësuar si partnerin më serioz  për eliminimin e piramidave nga ekonomia shqiptare. Kjo është historia e dytë me Ramën, që ripropozim të më heqë nga bordi i Bandës së Shqipërisë. Kur u diskutua për masat e tërmetit dhe shkaqet e tërmetit u thanë se u dëmtuan ato institucione që kishin probleme strukturore, të kolonave strukturore, ai ishte tërmet natyror. Ndërsa ky tërmet është politik që ka probleme në kolona strukturore morale, jo fizike kështu që debati im me Ramën është i hershëm. Unë kam për detyrë ta them si anëtarë i Bankës së Shqipërisë që ta deklaroj. Ne duhet të flasim përditë, unë kam të drejtat e mia si individë. këto të drejta nuk m’i heq njeri, janë të drejta universale. Problemi është që karrigen e merr, po integritetin tim s’e merr dot.

Mua më vjen keq, se lexova një lajm që Gjykata e Strasburgut kërkon ta rikthejë në detyrë ish-guvernatorin, Ardian Fullani, a e dini ju sa mln lekë paguan shteti shqiptar nga vendimet tekanjoze të kryeministrit? Do ta çoj në gjyq, sepse nuk është për karrigen time, unë kam një mision të ruaj pavarësinë integrale të anëtarit të Këshillit Mikqyrës të Bankës së Shqipërisë”, tha Malaj.

Me propozim të kryeministrit Rama, Këshilli i Ministrave vendosi të pezullojë Arben Malajn nga Këshilli Mbikëqyrës i Bankës së Shqipërisë.

Grupi i PS-së, në shkresën dorëzuar Kuvendit, vlerëson se në asnjë prej prononcimeve publike, Malaj nuk i ka shërbyer interesit më të mirë të BSH-së, si edhe të gjithë sistemit bankar në Shqipëri.

 

Kthehu
WhatsApp Denonco ne TT