Rezart Veleshnja: Gaz Paja shpërblehet nga politika

Aktori i njohur i humorit, Rezart Veleshnja, ka dhënë një deklaratë të fortë për një nga kolegët e tij në “Portokalli”. Ai është pyetur mbrëmjen e djeshme në emisionin e Luana Vjollcës, se cili prej kolegëve të tij ishte i mbivlerësuar.

Aktori zgjodhi emrin e Gaz Pajës, duke pretenduar se po shfrytëzohet nga politika, e cila me pas e mbivlerëson për ta shpërblyer. Rezart Veleshnja dhe Visjan Ukcenaj u ulën përballë njëri-tjetrit në sfidën “Shiko kush përgjigjet” në “Shiko kush luan”. Në mes të pyetjeve drejtuar dy aktorëve, nuk munguan ato se cili është aktori më i nënvlerësuar dhe më i mbivlerësuar. Rezarti nuk u rezervua aspak për t’u përgjigjur, madje i habiti të gjithë me emrin që shprehu.

“E mbivlerësojnë ngaqë është pjesë e politikës, është Gaz Paja. E mbivlerësojnë sepse merr pjesë në politikë. Politika ka emër të pistë dhe kërkon që të pastrohet me figurat e artit, dhe kë kemi diçka të pastër? Kemi aktorin. Me këtë rast e mbivlerësojnë se duhet ta shpërblejnë dreqi ta hajë”.