Rekord viktimash nga koronavirusi në Itali

Italia ka regjistruar një numër rekord viktimash nga Covid-19 në 24 orët e fundit.

993 pacientë nuk e kanë fituar betejën me virusin, ndërsa numri i përgjithshëm i viktimave që nga nisja e pandemisë ka arritur në 58.038.

Në rritje është dhe numri i të infektuarve, pasi janë konfirmuar edhe 23.225 raste të reja, tekse nurmi i tyre deri më sot ka arritur në 1.664.829.

Nurmi i tamponeve të kryer në Itali me një popullsi prej 60 milionë banorë, ka shkuar në 22.561.071 dhe janë kryer 226.729 të tilla brenda një dite.

Për të përballuar numrin gjithnjë e në rritje të të infektuarve nga pandemia, qeveria italiane ka firmosur një urdhër të ri masash me afat kohor deri në 6 janar 2021, i cili limiton lëvizjen gjatë festave të fundvitit, dhee nuk lejon festimet në sheshe e restorante duke rekomanduar tavolina gëzimi vetëm mes anëtarëve të së njëjtës familje.