Mati është përfshirë sërish në zonat e prekura nga pandemia e koronavirusit. Bëhet me dije se në Njësinë Administrative Rukaj në Bashkinë e Matit janë konfirmuar 6 raste të reja me COVID-19.
Burime pranë NjKVSH Mat tregojnë se këto raste janë kontakt i të moshuarës që ndodhej në spital në Tiranë, e cila rezultoi pozitive 2 ditë më parë.
Raportohet se të gjitha rastet janë pa shenja klinike dhe kanë marrë udhëzimet e nevojshme nga personeli shëndetësor.
Po ashtu, vazhdon hetimi epidemiologjik duke gjurmuar kontaktet e dy familjeve që janë infektuar me COVID-19.
Kujtojmë se sot u konfirmua edhe rasti i parë me koronavirus në Sarandë. Bëhej fjalë për një shtetase nga Ukraina e cila ndodhej me pushime në qytetin bregdetar.
