Ish-deputetja e PD, Jorida Tabaku ka reaguar në lidhje me deklatarën e kryeministrit, Edi Rama i cili tha se nga 1 janari i vitit 2021 do të rriten me 40% pagat për mjekët dhe 15% për arsimtarët.
Tabaku thotë se Shqipëria është vendi me numrin e mjekëve më të ulët në Rajon, 12.16 mjekë për 10 mijë banorë.
Sipas saj, 950 mjekë janë në pritje për të ikur jashtë e mijëra janë larguar.
Tabaku u shpreh se Partia Demokratike ka një plan për ta nxjerrë shëndetësinë nga kriza.
Postimi i Tabakut në Facebook
Asnjë gënjeshtër parazgjedhore se zhbën atë që Edi Rama i ka bërë shëndetësisë: Sipas OBSH, Shqipëria është vendi me numrin e mjekëve më të ulët në Rajon, 12.16 mjekë për 10 mijë banorë, 950 mjekë janë në pritje për të ikur jashtë e mijëra janë larguar. Ndërkohë buxheti i shtetit ka paguar rreth 100 milionë euro për Partneritetet Publike-Private në shëndetësi, ndërsa do të paguajë dhe 270 milionë euro të tjera në vitet në vijim.
Pagat e mjekeve janë rritur 7 përqind vetëm ne vitin elektoral 2017. Nuk është takse progresive, është taksa 23% mbi shtresën e mesme dhe që sot ka dëmtuar më rëndë profesionistët e vërtetë.
Sot mjekët kanë pagat më të ulta dhe taksat me të larta në rajon. Ky nuk është kandidat i ri është i provuar, është genjeshtar i vjetër që bën çdo gjë për të kaluar lumin.
Partia Demokratike ka një plan për ta nxjerrë shëndetësinë nga kriza, për të vendosur pacientin në qendër e jo koncesionin, për të rritur pagat dhe për të ofruar atë që Rama se bëri per 8 vite. Shëndetësi cilesore për të gjithë!
