Kryesore

Rama: Trualli i Teatrit s’do preket nga privati, boll shpifët (video)

               Publikuar në : 19:20 - 31/07/19 M. S

Kryeministri Rama i është rikthyer edhe një herë çështjes së shumë debatuar kohëve të fundit, referuar Teatrit. Në një koment në Facebook, ai nënvizon ndër të tjera se asnjë cm2 e truallit të Teatrit nuk do të preket nga asnjë privat, dhe mbi të do të ndërtohet vetëm Teatri i ri Kombëtar.

Rama thotë se është shpifur e akuzuar shumë për truallin e Teatrit, ndërsa shton se ka një truall në pronë të Bashkisë që do t’i jepet privatit. Prej disa ditësh, kryeministri Rama citon artistë të ndryshëm, të cilët janë pro vendimit të qeverisë për të shembur godinën ekzistuese të Teatrit Kombëtar, dhe për të ndërtuar një godinë të re.

“Eshtë folur e stërfolur, shpifur e stërshpifur, akuzuar e stërakuzuar, për truallin e teatrit që do “kafshohet” nga privati! Në fakt ASNJE CM2 e truallit të teatrit nuk do të preket nga asnjë privat dhe mbi të do të ndërtohet VETËM TEATRI I RI KOMBËTAR!

Ndërsa po, është e vërtetë që matanë murit rrethues të teatrit ekzistues, ka një truall në pronë të bashkisë që do t’i jepet privatit, NË KËMBIM TË TEATRIT TË RI që privati do të ndërtojë me kapitalin e tij, pa asnjë qindarkë nga buxheti i shtetit! Dhe trualli në fjalë është ky që do të shikoni në këtë video.

Shikojeni dhe më thoni:
A është ky truall një vlerë arkeologjike, historike, kombëtare apo kulturore, që po e humbet Shqipëria me këtë partneritet Publik-Privat për Teatrin e Ri Kombëtar? Dhe nëse jo, a nuk i’a vlen që në këmbim të këtij trualli, i cili do t’i bashkëngjitet pronave private përreth, Shqipëria të përfitojë një Teatër të Ri Kombëtar të denjë për Shqipërinë që duam?

Shikim të mbarë”.

Kthehu
WhatsApp Denonco ne TT