Kryesore

Rama thumbon opozitën: Na vjen keq për Monën dhe Lulin, as vet s’e dinë…

               Publikuar në : 15:47 - 15/03/19 S.N

Kryeministri Edi Rama ka komentuar nga Berati djegien e mandateve dhe thirrjet e Kryemadhit dhe Bashës për të rrëzuar qeverinë.

Rama ironizoi opozitën, teksa tha se po u mbyllin dyert shqiptarëve dhe se nuk e dinë as vet çfarë do të luftojnë.

Kryeministri deklaroi se me këtë sjellje humbet Shqipëria, ndërsa u zotua se në çdo rast PS fiton kundër opozitës.

Fjala e Ramës:

Ne nuk e kemi betejën me opozitën, betejat me ta i kemi fituar dhe do i fitojmë. Ne betejën e kemi me hallet e popullit, me varfërinë, me korrupsionin, me ata që janë në zyrat e shtetit edhe pse nuk janë të denjë për t’u shërbyer qytetarëve.

Ajo që kemi bërë në 4 vitet e fundit besoj se flet vet. Është bërë shumë, por ka ende shumë për të bërë. Kur shkon në zonën rurale të Beratit, njerëzit përballen me probleme që kërkojnë zgjidhje dhe kërkojnë edhe më shumë mbështetje nga qeveria. Duhet t’i kthejmë sytë nga e ardhmja, sot rritet çdo ditë më shumë numri i turistave.

Biznesi është lehtësuar ndjeshëm nga taksat e së shkuarës, kemi më shumë sipërmarrje të vogla. Një problem i madh është nevoja për të rritur rrogat në sektorin privat, por kjo vjen vetëm duke rritur investimet dhe ekonominë.

Një sërë problemesh janë zgjidhur, kur Shqipëria është shumë afër çeljes së negociatave me Bashkimin Evropian, gjendemi në një situatë politike absurde me ata që janë zgjedhur për të përfaqësuar popullin. Nuk është se na vjen keq se humbasim, por na vjen keq se humbet Shqipëria. Thonë hajde dalim në protestë, dmth të jemi bashkë rrugëve.

Na vjen shumë keq edhe për Monikën, edhe për Lulin. Thonë do luftojmë, do luftojmë. Se ça do luftojnë, as vet s’e dinë.

Kthehu
WhatsApp Denonco ne TT