E hënë, 18 Janar, 2021
-2 C
Tirana

Rama: Po fshehim vdekjet? Kapërcim i çdo kufiri, politikë me lajme të rreme

Pas akuzave të kryedemokratit Basha, sa i takon fshehjes së numrit të viktimave si pasojë e COVID-19, kryeministri Rama tha se ndjehet i keqardhur që dalja e tij u provokua. Duke vënë në dukje se të gjithë jemi përballë një sprove të madhe, Rama deklaroi në një deklaratë për mediat, se është i hapur ndaj kritikëve, por inskenimet i cilësoi si jo njerëzore.

Në deklaratën emergjente për mediat, të paralajmëruar më herët, kryeministri Rama i dha një shuplakë të fortë kryedemokratit Basha dhe presidentit Ilir Meta. Ai shtoi më tej se qeveria lufton orë e çast, ndërsa e konsideron si të pashpjegueshme sjelljen e opozitës për të nxitur panik.

Basha ka akuzuar kryeministrin Rama se po manipulon faktet, dhe po fsheh të vërtetën e shifrave të viktimave me COVID-19. Rama në kundërpërgjigje tha se ky është kapërcim i çdo kufiri, dhe se po bëhet politikë me lajme të rreme.

“Këtë sprovë ashtu si edhe përballimi me pasojat e rënda, ne shqiptarët nuk e kemi zgjedhur, por jemi të sfiduar ta përballojmë me forcën e karakterin. Mënyra e reagimit tregon se kush jemi, si njerëz, si qytetarë, tërmeti godet fortë në një kohë të shkurtër dhe më pas pasoja e rimëkëmbjes, ndërsa virusi godet nga pak dhe pasoja sfidojnë përditë rezistencën tonë.

Në të dyja rastet del në pah karakteri ynë, si popull dhe familjarë. Jam krenar si kemi reaguar dhe se si njerëzit janë bashkuar, qoftë që janë bashkuar në muajt e tërmetit dhe të sakrificës së njerëzve.

Krenar se si forcat e shtetit janë vënë në dispozicion të njerëzve në nevojë, Urgjenca, FA, deri te forca e sistemit shëndetësor, që nga bluzat e bardha te çdo ekspert dhe strukturë dhe deri te çdo mjek familjeje, pa harruar edhe Ministrinë e Shëndetësisë.

Lexo edhe :   “Rritje e rasteve”/ Manastirliu zbulon vendimin për masat shtrënguese

Jam shumë i keqardhur që kjo dalje u provokua nga krejt e kundërta e karakterit të fortë dhe virtyteve. Teksa shumica e popullit bën më të mirën e vetë, një pjesë tjetër, një pakicë e zhurmshme qëndron mënjanë, bën sehir, shan e akuzon, godet me gurë ata që qëndrojnë pa gjumë për të shpëtuar jetë njerëzish.

Lexo edhe :   Shqiptarët “me zor po presin” sa të bëhet Basha, kryeministër

Nuk jam këtu për t’u ankuar për baltën apo pështymat nga pakica, se mua të sharat e panumërta besojini ose jo më bëjnë më të fortë, dhe më japin më shumë energji për të udhëhequr betejat tona. Ka një ndryshim mes kritikave, sharjeve dhe shpifjeve, këto të fundit më ndezin gjakun. Shumë kush e quan arrogancë sjelljen time, por ndoshta duhet ta shohin si pjesë e pasionit të madh që më mban në këtë detyrë”, tha Rama.

- Reklama -

Më shumë nga kategoria




Të fundit

Bayern-in e nderon senatori Muller, por sa vuajtje me Freiburg

Fitore me vuajtje. Bayern Munich mposht Freiburg 2-1 dhe në fund duhet të falënderojë fatin pasi miqtë goditën tranversën që mund të sillte golin...

Koronavirusi i ri në Kosovë? Dërgohen 30 mostra për verifikim në Berlin

Kosova ka dërguar 30 mostra në Berlin për të parë nëse koronavirusi i ri ka mbërritur edhe në vendin e tyre. S30 mostra të zgjedhura...

Vaksinimi kundër koronavirusit, Italia vendos rregulla të reja

Italia vendos rregulla të reja për procesin e vaksinimit kundër koronavirusit. Personat mbi moshën 80 vjeç do të rezervojnë një vend me mjekët e...

Karakaçanov: Maqedonia e Veriut, pjesa më tragjike e historisë bullgare

Zëvendëskryeministri i Bullgarisë, Krasimir Karakaçanov ka përjashtuar çdo mundësi që Sofja të heqë dorë nga kërkesat e saj në raport me Maqedoninë e Veriut,...

Foto/ Kërkesa e Rugovës për të hyrë në Shqipëri gjatë kohës së Enver Hoxhës

Ish-presidenti i Kosovës, Ibrahim Rugova kishte bërë kërkesë në prill të vitit 1980 për të hyrë në Shqipëri, ku kishte treguar se qëllimi i...