Kryeministri Edi Rama ka folur sot në foltoren e Kuvendit, ku ka akuzuar Partinë Demokratike se i mungon përgjegjësia që i takon. Gjatë fjalës së tij, Rama foli për përmirësimin e shërbimit të shëndetësisë, ndërsa akuzoi opozitën se duhej t’i bashkohej ndjeshmërisë së qytetarëve dhe jo ta përbalte këtë shërbim falas.
FJALA E RAMËS:
Mes nesh dhe jush ndryshimi është që ju nuk mbani përgjegjësi. Nuk keni asnjë ndjenjë përgjegjësie në raport me këtë vend, me këtë popull dhe edhe më keq akoma, as në raport me ata të cilët keni marrë besim. Mungesa juaj e përgjegjësisë, ju bën t’i lëshoni lum fjalët pa llogaritur se sa prej tyre lidhen me qeverinë me palën tjetër si palë kundërshtarësh politike dhe sa prej tyre cenojnë Shqipërinë. Për sa i përket se për cfarë do mbahet mend qeveria e Ramës, këtë gjë lërjani kohës. Është shumë herët që kjo të përcaktohet sot. Përgatituni se keni 4 vjet kohë për të parë se cafër është qeveria e Edi Ramës dhe cfarë do lërë gjurmë. E mora fjalën për shkak të një shprehje: Babëzia qeveritare ka realizuar 100% programin për koncesionin në shëndetësi. Nuk është babëzia qeveritare, është ndjenja e përgjegjësisë për t’u garantuar qytetarëve kontrollin mjekësor falas. Dikur ata duhej tëpaguanin, sot e bëjnë kontrollin mjekësor falas. Jo vetëm që s’duhej ta përbaltnit këtë shërbim falas, por duhej të merrnit pjesë në rritjen e ndjeshmërisë së tyre lidhur me domosdoshmërinë e këtij shërbimi. Së dyit, kjo babëzi sic e quani ju ka garantuar shërbimin falas në kushte optimale me standarde evropiane të të gjithë atyre që kanë nevojë për hemodializë, të cilët duhej të mbanin radha me 3 turne.
Nëse deri dje buxheti i shtetit paguante 90 euro për 1 seancë, sot paguan 80, është më i lirë. Së treti, kjo babëzi që e quani ju, ka bërë të mundur që sot në spitale të shtrihet shërbimi me instrumenta mjekësor me standarde evropiane.
Ne jemi të interesuar të bëjmë debat, ndërsa debatin kazanit jua kemi lënë juve. Ne nuk merremi me ju!/ Tirana Today
