Kryesore

Rama: Ndihemi si një varkë në mes të detit, na e kanë marrë me forcë busullën


               Publikuar në : 19:07 - 08/11/19 M D

Kryeministri Edi Rama ka marrë pjesë në Forumin e Davosit për Dialogun Strategjik mbi Ballkanin Perëndimor.

Rama ndër të tjera theksoi: “BE ka nevojë për Ballkanin Perëndimor po aq sa ne kemi nevojë për BE. Ata që nuk e kuptojnë këtë nuk kuptojnë mirë çfarë është në lojë apo cilat janë sfidat e sotme dhe të së ardhmes”.

Në vijim Rama tha se: “Ndihemi si një varkë në mes të detit, pasi na e kanë marrë me forcë busullën”.

“Për ne ka shumë rëndësi ta dimë me saktësi. Është e qartë që nëse procesi i integrimit është karakterizuar në 5-6 vitet e fundit, ajo që ndodhi në tetor e bëri të paparashikueshme.

Nuk kemi më mundësi të dimë se çfarë duhet të bëjmë për të marrë atë që kërkojmë, pasi është e qartë që natyra e vendimeve në KE është shumë më e përcaktuar nga vetë vendet anëtare të BE.

Vendet tona nuk janë gati të anëtarësohen, nëse loja e meritokracisë shndërrohet në lojën e fajësimit. Ne e nisëm këtë proces, jo se na detyruan vendet e BE, por sepse ishte ajo që i duhej popullit tonë, kombit tonë.

Nuk mendoj se meqë ne e kemi më të vështirë duhet të qajmë apo të lutemi, sepse në fund të fundit e bëjmë për fëmijët dhe brezat e ardhshëm”, deklaroi Rama.

Kthehu
WhatsApp Denonco ne TT