Rama: Mësuesit dhe infermierët ta mbrojnë vendin e punës se… (Video)

Kryeministri Edi Rama, teksa udhëtonte në Leskovik, publikoi një video ku dëgjohej biseda e tij me Milva Ekonomin, e cila kryeson listën e qarkut të Durrësit.

Teksa e pyeste për situatën në vend, Rama tha se mësuesit dhe infermierët kanë hyrë në punë me meritë, por që duhet ta mbronin atë me votë.

Ai shtoi se me votën në drejtim të paditur, ata do të shkojnë në drejtim të paditur, duke paralajmëruar për heqje nga puna.

Pjesë nga biseda

Rama: Alo. Milva si je?

Ekonomi: Mirmbrëma si jeni kryeministër,

Rama: Unë mir jam, po ec në pyje, në një rrugë Leskovik-Përmet, natyrë fantastike, ka rënë errësira, po them të bëj ca telefonata. Si duket situata në Durrës?

Ekonomi: Jam aktualisht në Krujë, isha në Krujë edhe në Anameras, dhe Durrës. Duket shumë mirë, ka entuziazëm. Sidomos këta të rinjtë që kanë hyrë me meritokraci, me portalet, janë super entuziastë.

Rama: Tani mësuesit dhe infermierët kanë hyrë me meritë, por duhet ta mbrojnë se me votën në drejtim të paditur ikën në drejtim të paditur.

Ekonomi: Edhe ata e kishin parasysh shumë mirë këtë gjë. Kishin vuajtur gjatë.