Rama: Kemi caktuar datën për uljen e avionin të parë në aeroportin e Kukësit

Kryeministri Edi Rama prezantoi kandidatët për deputetë të Partisë Socialiste, të cilët do të garojnë në qarkun e Kukësit në zgjedhjet parlamentare të 25 prillit.

Gjatë fjalës së tij, Rama vuri theksin te turizmi dhe u shpreh se ky sektor do të jetë e ardhmja e Kukësit. Ndër të tjera, Rama tha se është caktuar data për uljen e avionit të parë në aeroportin e Kukësit.

Nuk mungoi ironia e kreut të qeverisë, i cili deklaroi se me avionin e pare do sjellë emigrantët nga Londra për të votuar më 25 prill.

Edi Rama: “E ardhmja e Kukësit është turizmi. Kemi caktuar edhe datën për uljen e avionit të parë në Kukës dhe për të sjellë ata nga Londra që më kanë sharë e përqeshur. Shumë kush na thotë ç’na duhen portet dhe aeroportet, ne duam burg, së për bukë shqiptarët nuk kanë vdekur që nga koha e Skënderbeut, por nëse i referohemi bukës si metaforë që ka të bëjë me mirëqenien dhe sigurinë, aeroportet janë fabrika buke. Krijojnë kushtet për të pasur mundësi ofertash të të gjitha natyrave për ta. Është fakt i njohur që një aeroport 1 euro e shpenzuar 23 euro të kthyera në një periudhë afatmesme”.