Një person u arrestuar dhe një tjetër është proceduar në gjendje të lirë lidhur me rastin e ndodhur ditën e mërkurë, datë 20 Nëntor, ku një person ka rënë nga kati i tretë i një pallati në ndërtim në lagjen 28 nentori .
Burime nga vendi i ngjarjes bëjnë me dije se në momentin që ka ndodhur ngjarja 28 vjecari ka qenë duke hedhur suvatimet në pjesën e pasme, kur pompa e suvatimit e ka trondit dhe ka rënë prej andej . Sic duket edhe nga pamjet në këtë pallat mungojnë kushtet teknike për sigurinë e jetës së punonjësve ku vetëm nga një krah ka rrjeta rrethuese e në pjesën e pasme dhe përparme mungojnë .
Sipas informacioneve nga grupi hetimor personi që është arrestuar duhet të ndiqte punimet dhe siguronte kushtet për punonjësit, personi tjetër u procedua penalisht në gjëndje të lirë për shkak të moshës.
Dëshmitarët jashtë kamerave thonë se personi i lënduar u trasnportua drejt spitalit dhe më pas policia erdhi për parë vendin te ngjarjes . Qytetarët thanë se në pjesën më të madhe të objekteve që ndërtohen mungojnë kushtet teknike për sigurinë e punonjësve, por arsyeja pse punojmë janë nevojat familjare.
Nuk është hera e parë që aksidente me pasojë vdekjen apo dëmtime të rënda ndodhin në ambjente pune dhe për këtë inspektoriati i punës dhe policia e Vlorës nisën procedurat pas ngjarjes .
