E shtunë, 12 Qershor, 2021
26.5 C
Tirana

Qëndroni të izoluar edhe pas vaksinimit? Ja nga çfarë sindrome jeni prekur

A e keni menduar se rikthimi tek “jeta e dikurshme”, do të ishte një proces po kaq i natyrshëm sa edhe hapja e një brave me çelës, dhe për këtë arsye mezi po prisnit që të vaksinoheshit. Dhe tani që në horizont po shfaqet mirazhi i një normalitetit të pjesshëm, a ndiheni plotësisht i papërgatitur?

Nëse po mbani shënim këtë term:Sindroma e shpellës. Në muajt e ardhshëm, mund të dëgjoni të flitet shumë më shpesh për të. Në Shtetet e Bashkuara, vend që është shumë më përpara se të tjerët në fushatën e vaksinimit, shumë njerëz e pranojnë vështirësinë jo të vogël që po hasin për të dalë nga një izolim që tani duket se na është bërë një zakon. Njerëzit e vaksinuar plotësisht, i kufizojnë ende marrëdhëniet e tyre shoqërore në “flluskën” e kontakteve që kanë pasur që nga marsi i vitit të kaluar.

Jepi vetes pak kohë

Pas një periudhe kaq të gjatë dhe të panatyrshme të distancimit të detyruar social, edhe ata që tani janë plotësisht të vaksinuar mund të ndihen në siklet kur duhet t’i rikthehen intensitetit të marrëdhënieve sociale, edhe pse me të gjitha masat e nevojshme mbrojtëse paraprake.

Frika e infektimit nga Covid-19, dhe vlerësimet e rrezikut nga situata të ndryshme të kontaktit, janë ende të pranishme dhe nuk do të zhduken brenda natës. Edhe një person relativisht i “mbrojtur”, mund ta gjente veten në situatën e mbivlerësimit të shanseve për t’u sëmurur, pas njëviti e ca të jetuari duke bërë gjithçka për të mos u infektuar.

I izoluar por në shoqëri të mirë

Sindroma e Shpellës, mund të jetë më e përhapur sesa mund ta mendoni. Sipas një studimi

të fundit nga Shoqata Amerikane e Psikologjisë, 49 për qind e popullsisë së rritur,parashikon disa vështirësi gjatë rikthimit tek ndërveprimet personale në fund të pandemisë. Këto hezitime prekin edhe të vaksinuarit:48 për qind e atyre që morën një vaksinë anti-Covid thanë se ndihen njëlloj.

Një sondazh tjetër në SHBA, zbuloi se shumica e të anketuarve do të vazhdonin të mbanin maska, të shmangnin vendet e shumë populluara me njerëz, dhe do të lanin rregullisht duart edhe në një situatë ku rreziku është i zvogëluar.

“Ata që e kanë përjetuar pandeminë”

Në majin e vitit 2020, një studim nga Universiteti i British Kolumbias (Kanada), paralajmëroi se rreth 10 për qind e popullsisë do të zhvillonte një lloj çrregullimi të stresit post-traumatik për shkak të dhimbjes familjare dhe shoqërisë, dhe për shkak të situatës së zgjatur të emergjencës prej pandemisë, dhe të frikës që pandemia ka sjellë me vete, gjurmë këto të pashlyeshme që nuk mund t’i harrojmë, dhe në fakt nuk do të ishte e drejtë.

Shkaqet

Sipas Alan Teo, profesor i psikiatrisë në Universitetin e Shëndetit dhe Shkencës në Oregon, SHBA, Sindroma e Shpellës mund të shpjegohet nga tre faktorë kryesorë:zakoni, perceptimi i rrezikut dhe lidhjet shoqërore. “Ne u detyruam të mësonim zakonin e mbajtjes së maskave, të distancoheshim fizikisht edhe nga ana sociale, të mos ftonim njerëz në shtëpi. Dhe pasi një zakon përvetësohet është shumë e vështirë të hiqet dorë prej tij”- thotë ai.

Ndërkohë, ekziston gjithashtu një hendek i madh midis rrezikut real dhe atij të perceptuar, si në kuptimin pozitiv ashtu edhe atë negativ, siç e kemi parë disa herë gjatë muajve të fundit. Shumë nga ne mund të ndihen krejtësisht të qetë në situata që bartin një rrezik real, dhe e ndjejnë veten shumë më në siklet në situata kur rreziku është i vogël, siç janë ndërveprimet ballë për ballë pasi kemi marrë që të dyja dozat e vaksinës.

Gjithçka si më parë?

Disa njerëz nuk duan të heqin dorë prej disa përfitimeve të arritura gjatë bllokimeve: menaxhimi i punës dhe ndërveprimeve nga shtëpia ka nënkuptuar një izolim të thellë. Por nga ana tjetër u ka dhënë mundësi miliona njerëzve të shmangin udhëtimet e lodhshme dhe të kushtueshme, lodhje, marrjen me qira të ambienteve.

Përparimet dhe përdorimi i detyruar i teknologjisë nga e cila varet jeta jonë sociale, mund të ketë rritur muajt e fundit tek disa njerëz -sidomos adoleshentët dhe të rinjtë më të rritur – rrezikun e një forme ekstreme të izolimit social, hikikomori.

Jemi në të njëjtën varkë

Mesazhi i rëndësishëm është se Sindroma e Shpellës, është një gjendje e zakonshme psikologjike, dhe është krejtësisht e kuptueshme pas asaj që kemi kaluar. Njëherazi është e rëndësishme që të mos dorëzoheni, dhe të mësohemi gradualisht me një jetë sa më intensive sociale që të jetë e mundur.

Vazhdimi i shmangies së situatave të vështira rrezikon që të ushqejë dhe rëndojë ankthin. Nëse nga ana tjetër, shqetësimi i grumbulluar është shumë i fortë, është e rëndësishme që të kërkoni ndihmë. Duke pasur parasysh se fundi i pandemisë do të jetë – për arsye sociale dhe shkencore – më i nuancuar nga sa mund ta mendoni.

burimi: https://www.focus.it/scienza/salute/vaccinati-isolati-sindrome-della-cavern

Përshtatur për Tirana Today

- Reklama -

Më shumë nga kategoria




Të fundit

Ushtarët e Antikrimit s’mund t’i hidhen krimit

Nga: Preç Zogaj Drejtësia e re me bashkautorësi amerikane dhe europiane, në konceptim dhe zbatim, të cilën unë e kam mbështetur e do të vazhdoj...

Asisti i Shaqirit nuk mjafton, Zvicra ndalet nga Uellsi (Video)

Përfundon ndeshja e dytë e kampionatit europian ''EURO 2020''. Ndeshja e vlefshme për grupin A, midis Uellsit dhe Zvicrës është mbyllur në barazim, me...

Zgjedhje për kreun e ri/ Gjana: Komisionerët e kandidatëve vetëm nga degët e PD

Komiosionerët e çdo kandidati për kryetar në PD duhet të jenë anëtarë të degës përkatëse të PD-së ku do propozohen për këtë proces. Ka...

Asnjë viktimë nga koronavirusi, 12 raste të reja në 24 orët e fundit

Situata epidemiologjike në vendin tonë paraqitet e qëndrueshme. Në 24 orët e fundit, janë regjistruar 12 raste të reja me Covid-19, nga 2.916 testime...

”Shpresoj të mos jetë si Trump”/ Putin flet për Biden para takimit në Gjenevë

Presidenti i Rusisë, Vladimir Putin shpreson se homologu i tij amerikan, Joe Biden, do të jetë më pak impulsiv se paraardhësi i tij, Donald...