E premte, 24 Shtator, 2021
15.5 C
Tirana

Profesionet më të mirëpaguara në Shqipëri

Sistemi i drejtësisë dhe administrata shtetërore “përkëdhel” më së shumti punonjësit, duke i mirëpaguar ata në raport me nivelin e pagave të profesioneve të tjera.

Referuar publikimit të fundit të Institutit të Statistikave, që i referohet të dhënave administrative nga Drejtoria e Përgjithshme e Tatimeve ,  ligjvënësit, nëpunësit e lartë të administratës publike dhe drejtorët ekzekutiv trajtohen me nivelin më të lartë të pagave, me një mesatare prej 101.886 lekë. Të dytët renditen specialistët me arsim të lartë, profesionistë, të cilët marrin mesatarisht 70.032 lekë në muaj.

Vendin e tretë për nga të ardhurat më të majme  nga puna e zënë teknikët dhe specialistët në zbatim me 59.932 lekë në muaj, të ndjekur nga punonjës të forcave të armatosura, me 59.150 lekë. Në nivelin mbi 50 mijë lekë në muaj qëndrojnë edhe nëpunësit e administratës publike. Ndërkohë që për profesionet e tjera pagat bien ndjeshëm, me pothuajse 20 mijë lekë.

Kështu, punonjësit e shitjeve dhe të shërbimeve paguhen mesatarisht me 38.235 lekë në muaj; Punonjës të montimit dhe përdorimit të makinerive dhe pajisjeve  36, 637 lekë, thuajse në të njëjtin qëndrojnë edhe zejtarët, artizanë dhe profesione të lidhura me to.  Punëtorët (Profesione elementare) paguhen në nivelin 31.334 lekë në muaj dhe të fundit për pagat më të ulëta renditen  punonjës të kualifikuar të bujqësisë pyjeve dhe peshkimit me 31.164 lekë.

Hendeku midis profesioneve më të mirëpaguara dhe të atyre më të keqpaguara arrin në 70.7 mijë lekë.

Profesionet që paguhen më shumë

Ligjvënësit, drejtorët ekzekutiv  101.886 lekë

Specialistët me arsim të lartë 70.032 lekë

Teknikët dhe specialistët në zbatim 59.932 lekë

Forcat e armatosura 59.150 lekë

Nëpunësit   56.312 lekë

Profesionet që paguhen më pak

Punonjësit e shitjeve dhe të shërbimeve 38.235 lekë

Punonjës të montimit 36, 637 lekë

Zejtarët, artizanë 36.438 lekë

Punëtorët 31.334 lekë

Punonjës të kualifikuar të bujqësisë pyjeve dhe peshkimit 31.164 lekë. /SCAN

- Reklama -

Më shumë nga kategoria




Të fundit

Në rritje kërkesat për azil, arrijnë nivelin më të lartë të pas-pandemisë

Kërkesat për azil nga shqiptarët kanë filluar rritjen graduale pas lehtësimit të kritereve të udhëtimeve në vendet e Bashkimit Europian, por sërish ato mbeten...

Yuri Kim i shkon në zyrë Bashës. Cilat janë porositë e radhës?

Kryedemokrati Basha do të takojë sot në orën 16:00, ambasadoren e SHBA-së në Shqipëri Yuri Kim. Pas vendimit për përjashtimin e ish-kryeministrit Sali Berisha...

La hotelin luksoz, Lionel Messi paguan shumën e majme për vilën

Ylli argjentinas Lionel Messi, ka arritur që të gjejë një shtëpi në Paris. Sipas asaj që raporton “RMC Sports”, Messi deri tani ka jetuar...

“Mbretëria” e Kozakut, si kërcënim për një gjeneratë

Nga: Mentor Kikia Njëri që u quajtka Kozak, qenka shpallur mbreti i Instagramit dhe Tik-Tokut. Por një tjetër që u quajtka Fabio, mesa duket pretendent...

“Mbreti i Instagramit” në sherr me “mbretin e burgut”, “lufta” për famë

Rrjetet sociale janë kthyer në “ushqimin” e përditshëm të rinisë. Aty mund të gjesh video argëtuese, edukuese, por në të shumtën e rasteve rinia...