Kryesore

Presidenti Meta jep detaje nga mbledhja e Këshillit të Sigurisë Kombëtare


               Publikuar në : 10:40 - 02/12/19 B H

Presidenti Ilir Meta ka dhënë detaje nga mbledhja e sotme e Këshillit të Sigurisë Kombëtare, ku i pranishëm ka qenë edhe kryeminsitri Rama.

Përmes një postimi në Facebook, Meta theksoi se kanë mbështetur Prokurorinë me fillimin e hetimeve dhe vendosjen para përgjegjësisë penale e të gjithë atyre që do të rezultojnë përgjegjës.

“Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë.

E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.

Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm”, shkruan presidenti në postimin e tij.

Ndërkohë mësohet se kreu i PD-se, Lulzim Basha, nuk ka qenë i pranishëm në mbledhje, pasi ai nuk ka marrë asnjë ftesë.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT