Pranvera Skana bëhet zyrtarisht pjesë e skuadrës së Ministrisë së Mbrojtjes. Skana e mori zyrtarisht detyrën si zëvendësministre në një ceremoni të zhvilluar këtë të mërkurë, më 8 prill në Ministrinë e Mbrojtjes, me praninë e ministrit Ermal Nufi.
Ky i fundit shkruan në rrjetet sociale se “Ajo do të shërbejë si Zëvendësministre në këtë kapitull të ri pune dhe zhvillimi, duke kontribuar drejtpërdrejt në forcimin e komunikimit për çështjet e mbrojtjes dhe sigurisë.”
Me përvojën dhe angazhimin e saj të mëparshëm në misionin tonë në Londër, sipas Nufit, Skana pritet të luajë një rol të rëndësishëm “në rritjen e kapaciteteve të institucioneve tona, në përballimin e sfidave dhe në fuqizimin e bashkëpunimit ndërmjet aktorëve dhe mekanizmave të emergjencave civile”.
Sjellim ndërmend se Skana ka qenë gjithashtu kandidate për deputete e Partisë Socialiste në zgjedhjet e 2025-s në qarkun e Lezhës.
