Policia publikon fotot e të shumëkërkuarve të Londrës, mes tyre një shqiptar

Policia në Londër ka publikuar fotot dhe të dhënat e 9 personave më të kërkuar, në mes të cilëve ndodhet edhe një shqiptar.

Të akuzuarit janë të dyshuar për kryerjen e veprave të ndryshme, ndërsa policia i ka bërë apel qytetarëve që të ndihmojnë në gjetjen e të dyshuarve.

Një nga 9 të kërkuarit është edhe shqiptari Mirjan Luku, 30 vjeç. Sipas mediave britanike, ai kërkohet pasi dyshohet për prodhim dhe shitje të kanabisit.

Më 30 korrik të vitit 2019, 30-vjeçari u gjet në një fabrikë të mbushur me kanabis, në Lee Green, Lewisham.

Pas arrestimit, Mirjan u dërgua në Gjykatën e Magjistraturës Bromley, por u la sërish i lirë. Tani ai kërkohet sërish nën akuzat e njëjta.