E diel, 28 Nëntor, 2021
13.5 C
Tirana

‘Po vijmë kurvë’, prokurorja shqiptare përballet me kërcënimet me jetë në SHBA

Një prokurore shqiptare në Shtetet e Bashkuara të Amerikës ka kërkuar ndihmë për sigurinë e saj. Prokurorja e Komonuelthit të Qarkut Loudoun, Buta Biberaj, po ndërmerr hapat e nevojshëm për të siguruar jetën e saj, pasi ajo thotë se ka marrë kërcënime të shumta. Policia e shtetit të Virxhinias po hetojnë.

Biberaj, është një emigrante myslimane e gjeneratës së parë dhe është portretizuar nga faqet e shumta të internetit të ekstremit të djathtë si një prokurore “emigrante”, që ka shënjestruar babain e një viktime përdhunimi në shkollë. Ajo gjithashtu është kritikuar ashpër nga kandidati republikan për guvernator të Virxhinias, Glenn Youngkin, i cili tha në një fjalim të martën mbrëma. “Prokurori i Komonuelthit të Qarkut Loudoun shënjestroi familjet e viktimave”.

“Kam marrë kërcënime të shumta me vdekje drejtuar posaçërisht ndaj meje”, tha Biberaj. “Kanë qenë kryesisht përmes telefonit. Kam marrë një në celularin tim personal, i cili tregonte frazën e mëposhtme… “Po vijmë k**vë”. Kam marrë edhe një kërcënim në numrin e zyrës dhe flitej që do të më vrisnin”, tha ajo.

Ajo beson se telefonuesit kanë mjetet dhe qëllimin për ta vrarë. Në një deklaratë, Corinne Geller nga VSP tha, “Policia e Shtetit të Virxhinias po merr kërcënimet dhe i ka përcjellë ato tek ekipi ynë i vlerësimit dhe menaxhimit të kërcënimeve, siç bëhet me çdo email të një natyre alarmante/kërcënuese që merret nga një zyrtar i zgjedhur/publik. Asnjë arrestim ose akuzë nuk është vendosur në këtë kohë”.

Babai, të cilin nuk po e identifikojmë për të mbrojtur viktimën e supozuar, u arrestua në një mbledhje të turpshme të bordit të shkollës në qershor. Prokurorja thotë se deputetët nuk ishin në dijeni se ai ishte babai i një viktime të dyshuar të përdhunimit në shkollë, kur e arrestuan. Biberaj shtoi se çështja aktualisht është në apel. Babai po padit Loudoun County për gjoja dështimin për të mbrojtur vajzën e tij. Prokurorja thotë se ajo shqetësohej për jetën e saj, por këmbëngul se zyra e saj po vazhdon të përmbushë detyrat e saj ndaj komunitetit.

Ajo ka kontaktuar Departamentin e Drejtësisë dhe Policinë e Shtetit të Virxhinias, dhe po mendon të punësojë sigurim privat. “Është shumë shqetësuese”, tha Biberaj në një intervistë ekskluzive për WUSA9. Biberaj dhe sherifi janë zyrtarët më të lartë të zbatimit të ligjit të Loudoun. Biberaj është kritikuar nga New American, një botim i John Birch Society, si një “prokurore emigrante myslimane që arrestoi një “amerikan” që u ankua për përdhunimin e vajzës.

Burimi i lajmit: WUSA9. Përshtatur nga Tirana Today

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...