Policia e Fierit ka ndaluar 2 persona pas protestës së djeshme, e shoqëruar me përplasje të dhunshme, ndërsa kryeministri Edi Rama do të zhvillonte takimin për ‘Bashkinë që Duam’.
Informacion paraprak
Policia e Fierit ndalon 2 shtetas të tjerë të cilët ushtruan dhunë ndaj punonjësve të policisë në protestën e djeshme.
Në vijim të veprimeve hetimore dhe pas analizimit të pamjeve filmike dhe provave të tjera të grumbulluara, u bë i mundur identifikimi i dy personave të tjerë të cilët kanë ushtruar dhunë ndaj punonjësve të policisë në protestën e djeshme në Fier.
Si rezultat, u kapën dhe u ndaluan shtetasit:
L.Z, 42 vjeç, banues në Fier.
E.K, 37 vjeç, banues në Fier.
Gjithashtu, janë shpallur në kërkim edhe 2 shtetas të tjerë për të njëjtat vepra penale.
Materialet i kaluan Prokurorisë pranë Gjykatës së Shkallës së Parë Fier për veprat penale “Kundërshtim i punonjësit të policisë së rendit publik” dhe”Organizim dhe pjesëmarrje në grumbullime dhe manifestime të paligjshme”.
