Që kur çifti njoftoi ndarjen e tyre më 4 qershor, Shakira dhe Pique janë kthyer sërish në qendër të vëmendjes së mediave. Marrëdhënia mes lojtarit të Barcelonës dhe këngëtares kolumbiane mund të ketë përfunduar, por një video e Pique-s ka rindezur flakën në rrjetet sociale.
Qendërmbrojtësi po dëgjonte këngën ‘Inevitable’ nga ish-partnerja e tij Shakira, kur iu desh të ndalonte teksa po largohej nga terreni stërvitor i Barcelonës dhe ku tifozët presin lojtarët në mënyrë që të kapin një selfie, për të bërë një video. “Çfarë kënge e mrekullueshme”, bërtiti përdoruesi @carmonaa.23, i cili ngarkoi videon në llogarinë e tij TikTok, ku tashmë ka mbledhur më shumë se 4.5 milionë shikime dhe më shumë se 250.000 pëlqime.
Pique dukej serioz dhe i menduar, por surpriza erdhi kur fansat dëgjuan muzikën në makinën e tij.
Në fakt, ditët e fundit është bërë e qartë se Pique ka ndërprerë lidhjen me vajzën me të cilën dyshohet se po tradhtonte Shakira-n, dhe që përfundimisht çoi në prishjen e marrëdhënies së tyre.
Ka pasur thashetheme, por e vërteta është se Shakira po kalon një periudhë shumë të vështirë dhe po e shfrytëzon situatën për t’u mbështetur tek familja dhe miku i saj i ngushtë Alejandro Sanz.
Burimi i lajmit: MARCA. Përshtatur nga Tirana Today
