Pesë faktet që mund të mos i dini rreth historisë së futbollit

  1. Kur u luajt për herë të parë futboll siç e shohim sot?

Një moment kyç në zhvillimin e sportit më popullor në botë, ishte në tetorin e vitit 1863, kur përfaqësues nga një duzinë shkollash dhe klubesh angleze, u takuan në Tavernën e Frimasonëve në Londër, për të formuar Shoqatën e Futbollit. Në atë takim u ra dakord për një sërë rregullash zyrtare, nën të cilat mund ta luanin të gjithë këtë lojë.

  1. Cila ishte historia e futbollit para atij momenti historik?

Loja kishte ndryshuar shumë nga “futbolli i turmave” që luhej në Mesjetës kur zakonisht grupe të mëdha burrash do të ndesheshin me njëri-tjetrin në 2 grupe të mëdha për ta zhvendosur një top nga njëri skaj i një fshati në tjetrin.

Në fillim të shekullit XIX-të, në shkollat publike nisën të luheshin ndeshjet e para të organizuara me rregulla të përcaktuara qartë. Gjithsesi, secila shkollë kishte kodin e saj të veçantë, gjë që e bënte problematik organizimin e ndeshjeve konkurruese. Dallimet përfshinin sasinë e ndërhyrjeve që lejoheshin në çështjen e “trukeve”,një zakon mesjetar që lejon goditjen e këmbëve të një kundërshtari.

  1. Mbi çfarë rregullash u ra dakord në vitin 1863?

Në takimin e lartpërmendur u ra dakord mbi 14 rregulla,duke përfshirë gjatësinë e fushës së lojës, madhësinë e portës,dhe mbi një formë të hershme të pozicionit jashtë loje. Numri i lojtarëve në një ekip nuk ishte përcaktuar ende, dhe ishte akoma e mundur të pretendohej një “kapje e ndershme” me dorë e topit (si në Manualin e Futbollit të sotëm Australian). U ndalua goditja në këmbë e kundërshtarit, një vendim që nxiti protestën e Blackheath Club.

  1. Si u zhvilluan rregullat e futbollit?

Rregullat e miratuara në vitin 1863 nuk ishin të vetmet që hynë në fuqi. Në Kembrixh u bënë përpjekje për të kodifikuar rregullat, edhe pse disa klube luanin ende sipas rregullave të formuluara në Shefilld 6 vjet më parë, në vitin 1857. Në 1877 u bashkuan të dyja rregulloret në një të vetme. Kupa e parë e futbollit në botë, FA Challenge u organizua në sezonin 1871-1872, dhe popullariteti në rritje i sportit në veri të Anglisë solli edhe formimin e Ligës Angleze të Futbollit në vitin 1888.

  1. Kur u organizua ndeshja e parë ndërkombëtare e futbollit?
Lexo edhe :   Viti më i keq në historinë njerëzore? Ndoshta nuk është ai që ju vjen ndërmend

Ndeshjet midis lojtarëve anglezë dhe atyre skocezë me banim në Londër, janë luajtur në kryeqytetin britanike që në vitet 1870-1872. Por ndeshja e parë zyrtare ndërkombëtare e futbollit midis vendeve u organizua në “West of Scotland Cricket Ground” në Ditën e Shën Endrjut në vitin 1872. E ndjekur nga mbi 4.000 spektatorë, ndeshja përfundoi në një barazim 0-0, edhe pse Skocia ishte më afër fitores, kur topi u ndal nga traversa.

Burimi i lajmit: https://www.historyextra.com/period/victorian/facts-birth-football-history-first-international-match/

Përshtatur nga TIRANA TODAY