El Pais/ Në ngushticën e Otrantos, shumë afër thembrës tek çizmja në hartën e Italisë gjendet vendi i vogël i cili befason me peizazhe të përrallore dhe kështjellat në majat e maleve.
Shqipëria ka qenë vendi më i izoluar i Evropës. Që kur sistemi komunist i Enver Hoxhës mori pushtetin në Shqipëri në vitin 1944, askush nuk mund të hynte apo të largohej nga vendi. Ishte një regjim brutal, stalinizëm laboratorik, nuk kishte asnjë pronë private, asnjë dritë për të fituar lirinë; nuk kishte bukë, as qumësht. Kishte më shumë se një milion bunkerë betoni, në rast se armiku i jashtëm sulmonte.
Shqipëria, kandidate për të qenë pjesë e Bashkimit Evropian, është një vend i vogël, me të njëjtën zonë si Galicia dhe pothuajse tre milionë banorë, ku një e treta e të cilëve banojnë në kryeqytet. Megjithëse e vogël, larmia e peizazheve të saj është verbuese: malet në veri, liqenet që depërtojnë në vendet fqinje, plazhet që mund të konkurrojnë me ato të Greqisë së saj fqinje …
Lonely Planet e ka përfshirë Shqipërinë në listën e saj të pesë destinacioneve për 2019-tën për çmimet e saj konkurruese. Këto janë disa nga arsyet për ta vizituar atë.
-
Ndikimi italian
Shqiptarët kanë territoret e tyre në shtetet (Kosovë, Mal të Zi, Maqedoni, Greqi); është ajo që quhet “Shqipëria e Madhe”. Në Mesjetë, shqiptarët duhej të përballeshin me pushtimet e Lindjes, veçanërisht Osmanëve, ndërkohë arritën pavarësinë në vitin 1913. Para Luftës së Dytë Botërore, ndikimi italian ishte i madh. Shkrimtari italian Indro Montanelli botoi udhëtimet e tij në Shqipëri në vitin 1939, duke përshkruar një epokë. Në vitin 1939 Mussolini pushtoi Shqipërinë dhe e aneksoi atë në kurorën e Italisë. Pushtimi zgjati deri sa u rrëzua nazizmi, e më pas komunistët erdhën. Të gjithë flasin italishten në Shqipëri. Për arsye historike, ka një shpjegim më prozaik: gjatë viteve të regjimit komunist, i vetmi ndikim i huaj ishin televizionet italiane që shiheshin prej knoceve të cilat ishin të jashtëligjshme për regjimin.
-
Tirana në pararojë
Deri në vitin 1920, Tirana kishte 10,000 banorë, rrugë të pashtruara dhe një bulevard të vetëm. Kur italianët pushtuan vendin, ata vendosën ta kthenin në një qytet në kushte minimale. Përpjekje të mëdha për rindërtimin e Tiranës bëri Count Cianos, dhëndrit të Musolinit. Italianët ngritën ministritë, hapën bulevardin, urdhëruan shtrimin e rrugëve kryesore. Sot pranë ndërtesave italiane, dalin kulla xhami, dhe qendra tregtare të dizenjuara në mënyrë moderne, një xhami qendrore e paguar nga Turqia dhe projekte avangarde si Teatri Kombëtar i ardhshëm, një projekt i teatrit me xhama nga Bjarke Ingels Group (BIG) që do t’ju lejojë të shihni rrugën prej një lartësie të caktuar.
Qyteti është porta kryesore për vendin falë aeroportit Nënë Teresa. Por janë planifikuar edhe dy aeroporte të reja ndërkombëtare: në Kukës, në veri, për fluturime me kosto të ulët, dhe në Vlorë, në jug, për turistët që duan diellin dhe plazhet.
-
Kështjella e Krujës
Në veri të Tiranës duket një peizazh i maleve me dëborë, shpate dhe pyje të harlisura. Dhe kështjella mes shkëmbinjtë duket si e pamundur për t’i arritur, duket si foleja shqiponjave. Shqipëria është vendi i shqiponjave, një shqiponjë me dy koka valëvitet në flamurin e saj. Kështjella është ajo që ruan qytetin e Shkodrës. Ajo ndodhet përpara liqenit që ndan kufirin me Malin e Zi. Thuajse një pamje të ngjashme ofron edhe qyteti i Krujës, duke u mbështetur në majat e mprehtë të shkëmbinjve. Ndërkohë pazari i Krujës me tipare orientale të çon në një kështjellë që është simbol i patriotizmit. Prej aty, heroi kombëtar Gjergj Kastrioti, Skënderbeu drejtoi rezistencën kundër turqve, në shekullin XV.
-
Trashëgimia e Apollonisë
Me makinë gjysmë ore nga Tirana ndodhet Durrësi i cili kryeson bregdetin me një plazh të madh, me rërë të errët, që mirëpret shumë turistë në verë, por dikur ishte streha verore e liderëve komunistë. Në Durrës gjenden disa rrënoja historike, një amfiteatër romak, mure osmane. Por perlat më të mëdha janë më në jug ku do të gjeni monumentet kryesore arkeologjike, disa të mbrojtura si trashëgimi botërore nga UNESCO. Apolonia, me rrënojat greko-romake dhe me një muze të zgjedhur. Vlora, rreth 50 kilometra në jug, është një tjetër vend turistik. Gjiri i saj, i mbrojtur nga gadishulli i Karaburunit dhe disa ishuj, mbaron në një shpellë dhe rrënojat romake të Orikumit.
Qyteti i Beratit është një vend i trashëgimisë botërore dhe një tjetër pikë kryesore turistike. Qyteti, që shtrihet pranë lumit Osum, përmban gjurmë otomane. Por ky qytet është ndërtuar mbi një mal që përmban luginën ku gjendet një kështjellë e ruajtur mirë, me katër kisha bizantine të mbuluara me afreske dhe një muze me materiale të jashtëzakonshme.
-
Llogaraja dhe Gjirokastra
E ashtuquajtura Riviera Shqiptare ndodhet nё Parkun Kombëtar tё Llogarasё. Një sërë plazhesh dhe limanesh, shpella detare, shkëmbinj dhe fshatrat tradicionale. Me bukuri të njëjta si fqinji i saj Greqia dhe ishulli i Korfuzit. Në këtë zonë kaloi Lordi Bajron në vitin 1823, pasi kishte vizituar Tepelenën. Janë të njohura vargjet e Bajronit të dedikuara për malet e Shqipërisë.
Porto Palermo është një nga fotografitë më tipike të bregdetit shqiptarë. Ndërkohë Saranda, në jug të Shqipërisë, është kryeqyteti i bregdetit shqiptar. Jugu i Shqipërisë është shtëpia e dy vendeve arkeologjike më të shquara në vend; Butrinti si imitim i Trojës dhe Gjirokastrës, me rrugicat e tij otomane dhe çatitë me pllaka guri të ruajtura mirë sepse ishte vendlindja e Enver Hoxhës. TIRANA TODAY
