Ministri i Brendshëm, Matteo Salvini është treguar aspak tolerant lidhur me përdhunimin e një turisteje në Siçili, nga tre të rinj.
Salvini ka kërkuar që tre të rinjtë të “tridhen”, në rast se vërtetohet se ata janë fajtorë.
Tre djemtë janë arrestuar me dyshimin e përdhunimit të 18-vjeçares, e cila ishte duke punuar si babysitter në Catania, në bregun lindor të Sicilisë. Ata pretendohet se e takuan vajzën në një bar, e dehën me pije dhe më pas kërkuan ta shoqëronin në një tjetër bar.
Por, pas kësaj, ata nuk kanë shkuar në bar, por e kanë marrë me forcë në makinë, duke e çuar në një rrugë të braktisur, ku e kanë përdhunuar me radhë.
Më pas ata kanë filmuar përdhunimin dhe pamjet ia kanë dërguar asaj në celular.
“Për krimbat në Catania që përdhunuan një turiste, asnjë lehtësi – kastrim kimik”, shkroi Salvini, në llogarinë e tij në Twitter.
Kastrimi kimik përbëhet nga shfrytëzimi i barërave dhe substancave kimike të cilat “vrasin” seksualitetin dhe libidon, pa u përdorur sterilizim apo heqje e organeve.
Përdhunimi i dyshuar i bandës u bë më 15 mars, kur vajza e re ishte në një natë me një mik dhe u takua me burrat lokalë në një bar.
Abuzuesit janë identifikuar si Roberto Mirabella, 20 vjeç, Agatino Spampinato, 19 vjeç dhe Salvatore Castrogiovanni, 19 vjeç. Ata i mohojnë akuzat.
Amerikania kishte 3 muaj që punonte në Katania. Ajo tashmë ka lënë Italinë dhe është kthyer në SHBA, sipas avokatit të saj, Mirella Viscuso.
Ajo do të duhet ose të kthehet në Itali për gjyqin e sulmuesve të saj të dyshuar ose të japë dëshminë nga SHBA-ja, tha avokati./ Përshtati Tirana Today
