Patronazhistët? Shehi: Rama po vepron si Enver Hoxha

Zbulimi i të dhënave personale për rreth 910 mijë qytetarë të Tiranës, ka shkaktuar tensione në politikë, vetëm disa ditë para zgjedhjeve parlamentare.

I ftuar në emisionin ”Frontline”, kandidati për deputet i opozitës, Dashamir Shehi e cilësoi përdorimin e të dhënave personale si të paligjshme.

Sipas tij, kryeministri Edi Rama po vepron njësoj si partia shtet gjatë kohës së komunizmit.

Dashamir Shehi: “Fitorja jonë është plebishitare, sa edhe rrugaçët do zmbrapsen. Rrih dy vetë dhe merr një tender, këtë gjë bën Rama. Për patronazhimin, mendoj se është e paligjshme. Kjo është vjedhje dhe është bërë tek zyra e Kryeministrit. Kjo është vjedhje e pastër. Është vjedhur nga qeveria dhe është shpërndarë nga Rama. Urdhri është dhënë personalisht nga Rama. Kjo është Big Brother, Rama i bën këto. Zyrtarët e lartë këtu janë me partinë në pushtet. Po vepron si Enver Hoxha. Kjo është partia që kontrollon shtetin. Edhe në kuzhinë do kemi frikë të flasim me gruan. Ky shtet drejtohet nga një njeri i vetëm, që është Rama. Ky duhet larguar dhe t’ja kthejmë shtetin institucioneve.”