Kryesore

Pasgoditja në Thumanë/ Aktivisti: 2 persona humbën jetën kur po nxirreshin


               Publikuar në : 22:18 - 09/12/19 B H

Aktivisti Aulon Kalaja ka hedhur një akuzë të fortë në lidhje me tërmetin e 26 nëntorit.

I ftuar në emisionin “360 Gradë” në Ora News, Kalaja ka denoncuar rastin në Thumanë ku sipas tij 2 persona kanë vdekur gjatë operacionit të kërkim-shpëtimit.

Sipas tij, në orën 07:20 kur ra pasgoditja pas tërmetit 6.4 ballë kanë vdekur dy persona për të cilët po punohej për ti nxjerrë nga gërmadhat. Ai akuzoi qeverinë se ishte e papërgatitur për menaxhimin e këtyre lloj situatave.

“Qeveria ishte e papërgatitur për këtë rast. Emergjencat Civile kanë punësuar vetëm militantë që kanë ngrënë qyl gjatë gjithë kohës. E sfidoj kryeministrin dhe i them se në rast se ti ke lëshuar një pako me emrin rezervat e shtetit në terren unë jap dorëheqjen nga gjithë aktiviteti publik në terren.

Nuk kishim asnjë qen. Rreth orës 07:20 kur ra ajo goditja tjetër në Thumanë ma ka konfirmuar një njeri që shërben në Zall-herr dhe shërben në terren, më tha se kanë vdekur dy veta në momentet që po ndërhyhej për ti nxjerrë ata. Po punonin diku te një orë dhe kanë vdekur dy veta në 7:20 kur ra tërmeti tjetër.

Kam qenë afër te ai pallati, kemi ikur të gjithë, u bë kaos, jemi shtyrë me njëri-tjetrin. I thashë një fadrome të hapte kangjellat e fushës së sportit aty, nuk pranoi. Të futeshin njerëzit në fushën e sportit se po shtyheshin njerëzit me njëri-tjetrin. Ai ishte kolonel dhe tha po punonim me dy persona në ato momente dhe kur ra pas-goditja kanë vdekur dy persona. Pyetja që ngrihet në këtë rast është: Po sikur të kishim ndërhyrë më herët?”, tha ai.

Kthehu
WhatsApp Denonco ne TT